सदस्यता पारदर्शितामा फोकस गरेर काम गर्छौंः महासचिव दाहाल

समाचार

गृहपृष्ठ
समाचार
सदस्यता पारदर्शितामा फोकस गरेर काम गर्छौंः महासचिव दाहाल

सदस्यता पारदर्शितामा फोकस गरेर काम गर्छौंः महासचिव दाहाल

सोमबार, चैत ४, २०८१ बागेश्वरी पोस्ट

नेपालगञ्ज । नेपाल पत्रकार महासंघका महासचिव रामप्रसाद दाहालले सदस्यता पारदर्शितामा फोकस गरेर काम गरिने बताएका छन् । नेपाल पत्रकार महासंघ बाँके शाखाले आज नेपालगञ्जस्थित कार्यालयमा आयोजना गरेको स्वागत तथा छलफल कार्यक्रममा बोल्दै महासचिव दाहालले सदस्यता पारदर्शिताको मापदण्डलाई पछ्याउँदै अहिलेको कार्यसमितिले काम गर्ने बताए । "महासंघका प्रत्येक साधारण सदस्य अब समाज समक्ष एक्सपोज हुनुपर्दछ, सबैको विवरण वेबसाइट वा फेसबुक पेजमा राखिनुपर्दछ, हामीले तीन महिनाभित्र यो काम गरिसकौं भनेका छौं," उनले भने-"सदस्यतामा देखिएको समस्या यसले कम गर्दछ भन्ने लाग्छ ।"

उनले विधान बमोजिम सदस्यता प्रदान गर्ने अधिकार जिल्ला शाखालाई रहेको स्पष्ट पारे । दाहालले संघियता कार्यान्वयन गर्न वर्तमान कार्यसमिति प्रतिबद्ध रहेको बताउँदै शाखाको अधिकारमाथि केन्द्र वा प्रदेशको हस्तक्षेप नहुने प्रष्ट्याए । उनले नयाँ सदस्यता प्राप्ति र शुद्धिकरणको कार्य प्रक्रियागत ढंगले अघि बढ्ने बताए । उनले सदस्यताबाटै संघियताको अभ्यास गर्न चाहेको स्पष्ट पारे ।

May be an image of 2 people, dais and newsroom

सामाजिक सञ्जाल विधेयक फिर्ता लिन सरकारको ध्यानाकर्षण गराइसकेको भन्दै उनले महासंघको मागलाई बेवास्ता गरी विधेयक अगाडि बढाउन खोजिए आन्दोलनमा उत्रिने चेतावनी समेत दिए । प्रेस तथा अभिब्यक्ति स्वतन्त्रतामा कुनै कम्प्रमाइज हुन नसक्ने बताउँदै दाहालले संघ, प्रदेश र स्थानीय सरकारले बनाउने सञ्चारसम्बन्धि कानुन प्रेसमैत्री हुनुपर्ने बताए ।

शाखा अध्यक्ष नवीन गिरीले महासचिव दाहाललाई खादा लगाइदिएर कार्यालयमा स्वागत गरेका थिए । गिरीले आफू नेतृत्वको कार्यसमिति निर्वाचित भएर आएपछि गरिएका निर्णय, सम्पन्न भएका गतिविधि र आगामी कार्य योजनाबारे जानकारी गराउँदै शाखालाई क्रियाशील र गतिशील बनाउँदै लैजाने बताए ।

May be an image of 3 people

कार्यक्रममा प्रदेश अध्यक्ष शुक्रऋषि चौलागाई, बाँके शाखा पूर्व अध्यक्षद्वय निरज गौतम, रुद्र सुवेदी, नेपाल प्रेस युनियन बाँकेका अध्यक्ष प्रियास्मृति ढकाल, प्रेस चौतारी नेपाल बाँकेका अध्यक्ष कमल डाँगी, अकोराबका केन्द्रिय सदस्य मो. आरिफ अन्सारी, अवधि पत्रकार संघका केन्द्रिय अध्यक्ष राकेश कुमार मिश्र, पत्रकार महासंघ बाँकेका कार्यसमिति सदस्य रविन्द्र घिमिरे, नेपाल पत्रकार महासंघ लुम्बिनी प्रदेश पार्षद मधु पौडेल लगायतले महासचिव दाहाल समक्ष सांगठनिक जिज्ञासा राख्नुका साथै आफ्नो धारणा पनि राखेका थिए । शाखा सचिव कृष्ण ओलीले कार्यक्रम सञ्चालन गरेका थिए ।

May be an image of 13 people and text May be an image of 4 people and clarinet May be an image of 11 people, people studying and table May be an image of 6 people and people studying May be an image of 4 people, people studying and people smiling