स्वतन्त्र पत्रकार संघ बाँकेको चौथो अधिबेशनः मन भण्डारी बने अध्यक्ष

समाचार

गृहपृष्ठ
समाचार
स्वतन्त्र पत्रकार संघ बाँकेको चौथो अधिबेशनः मन भण्डारी बने अध्यक्ष

स्वतन्त्र पत्रकार संघ बाँकेको चौथो अधिबेशनः मन भण्डारी बने अध्यक्ष

शनिबार, चैत ९, २०८१ बागेश्वरी पोस्ट

नेपालगञ्ज । स्वतन्त्र पत्रकार संघ नेपाल बाँके शाखाको चौथो अधिबेशन आज सम्पन्न भएको छ । अधिबेशनको उद्घाटन गर्दै स्वतन्त्र पत्रकार संघ नेपालका राष्ट्रिय अध्यक्ष कृष्ण प्रसाद बास्तोलाले निष्पक्ष र स्वतन्त्र पत्रकारिता संकटमा परिरहेको उल्लेख गर्दै पत्रकारिताको संस्थागत बिकासका लागि स्वतन्त्र पत्रकारिता मात्रै बिकल्प रहेको बताए । कार्यक्रममा नेपाल पत्रकार महासंघ बाँकेका अध्यक्ष नवीन गिरी, स्वतन्त्र पत्रकार संघ नेपालका पूर्ब लुम्विनी प्रदेश संयोजक रमेश सिटौला, बास नेपालका केन्द्रीय अध्यक्ष लुना बुढाथोकी लगायतले बोलेका थिए ।

कार्यक्रमका प्रमुख अतिथि स्वतन्त्र पत्रकार संघ नेपालका राष्ट्रिय अध्यक्ष बास्तोलालाई मायाको चिनो प्रदान गरिएको थियो । बाँके शाखा अध्यक्ष नमस्कार शाहको अध्यक्षतामा सम्पन्न चौथो अधिबेशनबाट मन भण्डारी अध्यक्षमा सर्वसम्मत चयन भएका छन् । उपाध्यक्ष, सचिव, सहसचिव र कोषाध्यक्षमा क्रमशः हेमराज भट्ट, माधव कार्की, शोभा थापा मगर र मुना बिष्ट सर्बसम्मत चयन भएका छन् । शाखा सदस्यहरुमा रमेश सिटौला, तपेन्द्र मलाती, लोक बहादुर घर्ति र अशोक रावल चयन भएका छन् ।

May be an image of 11 people, people studying, temple and text

बाँकेमा २०६९ सालमा स्थापित स्वतन्त्र पत्रकार समाज पोखरामा केन्द्रीय कार्यालय भएको स्वतन्त्र पत्रकारहरुको संगठन स्वतन्त्र पत्रकार सँघ नेपालमा आबद्ध भएको थियो ।

प्रकाशित मिति: शनिबार, चैत ९, २०८१ २१:०७

प्रतिक्रिया दिनुहोस्