ट्यांकरले ठक्कर दिँदा दुई जना बालकको मृत्यु, बेतहनी क्षेत्र तनावग्रस्त

समाचार

गृहपृष्ठ
समाचार
ट्यांकरले ठक्कर दिँदा दुई जना बालकको मृत्यु, बेतहनी क्षेत्र तनावग्रस्त

ट्यांकरले ठक्कर दिँदा दुई जना बालकको मृत्यु, बेतहनी क्षेत्र तनावग्रस्त

आइतबार, चैत १०, २०८१ बागेश्वरी पोस्ट

नेपालगञ्ज । बाँकेको बेतहनीमा ट्यांकरले ठक्कर दिँदा एलकेजीमा अध्ययनरत दुई जना बालकको मृत्यु भएको छ । डुडुवा गाउँपालिका वडा नम्बर २ बेतहनी चोकमा स्कुलबाट पढेर घर फर्किँदै गरेका स्थानीय दुई बालक ९ वर्षीय विशाल कुमार गोडिया र ७ वर्षीय शिव कुमार गोडियालाई भे १ ख ४१०७ नम्बरको पानी बोक्ने ट्यांकरले ठक्कर दिंँदा घटनास्थलमै मृत्यु भएको जिल्ला प्रहरी कार्यालय बाँकेका प्रहरी प्रवक्ता प्रहरी नायब उपरीक्षक दिपक पातलीले जानकारी दिए । उनीहरु सहोदर दाजुभाई हुन् ।

घटनापछि आक्रोशित स्थानीयले ठक्कर दिने ट्यांकरलाई आगो लगाएर ध्वस्त पारिदिएका छन् । घट्नाको विरोधमा बेतहनी चोकमा चक्काजाम गरेर स्थानीयले प्रदर्शन गरिरहेका छन् । प्रहरी चौकीमा पनि ढुंगामुढा गरेका छन् । आक्रोशित स्थानीयले प्रहरी चौकीमा आगजनी समेत गरिदिएका छन् । अहिले बेतहनी क्षेत्रको अवस्था तनावग्रस्त छ । अहिले त्यहाँ ठूलो संख्यामा प्रहरी परिचालन गरिएको छ । ट्यांकर चालक कर्णबहादुर बुढालाई प्रहरीले नियन्त्रणमा लिइसकेको छ ।

प्रकाशित मिति: आइतबार, चैत १०, २०८१ १८:२८

प्रतिक्रिया दिनुहोस्