नेपालगञ्ज-१८ मा नेपाली कांग्रेसको वडा कार्यालय शिलान्यास

राजनीति

गृहपृष्ठ
राजनीति
नेपालगञ्ज-१८ मा नेपाली कांग्रेसको वडा कार्यालय शिलान्यास

नेपालगञ्ज-१८ मा नेपाली कांग्रेसको वडा कार्यालय शिलान्यास

आइतबार, चैत १०, २०८१ बागेश्वरी पोस्ट

नेपालगञ्ज । नेपाली कांग्रेस नेपालगञ्ज उपमहानगरपालिका वडा नम्बर १८ ले पार्टीको वडा कार्यालय निर्माण सुरु गरेको छ । आज शिलान्यास गरिएको वडा कार्यालयको नाम ‘सुशील कोइराला स्मृति भवन’ राखिएको छ ।

पार्टीका वडा उपसभापति राजाराम सुवेदीका अनुसार बाँकेका ८१ वडा मध्ये नेपालगञ्जको वडा नम्बर १८ मा पार्टीको वडा कार्यालय निर्माण हुन लागेको यो नै पहिलो हो । वडा कार्यालय निर्माणका लागि सोही वडाका राम कुमार वर्माले करीब ३० लाख मूल्य बराबरको साढे आठ धुर जग्गा दान दिएका छन् ।

May be an image of 12 people and temple

वडा कार्यालय भवन निर्माणका लागि करीब २५ लाख रुपैयाँ लागत लागत स्टिमेट गरिएको छ । 'तीन लाख ५० हजार रकम विभिन्न स्रोतवाट संकलन भइरहेको छ । बाँकी रकम हामी वडा सभापतिदेखि क्रियाशिल सदस्य र नेपाली कांग्रेस आवद्ध व्यापारीहरुवाट संकलन गर्छौं’-वडा उपसभापति सुवेदीले भने ।

निर्माणाधीन वडा कार्यालय भवन एक तल्लाको हुनेछ । जसमा वडा सभापति र कार्यालय सचिवको एक÷एक कोठाका अलावा बैठक कक्ष र शौचालय र कम्पाउण्ड वाल निर्माण गरिनेछ ।

वडा कार्यलय भवन शिलान्यास समारोहमा प्रमुख अतिथि केन्द्रीय सदस्य बाल्मिकीले विकास, संगठन र एकता नेपाली कांग्रेसको मूलमन्त्र बन्नुपर्नेमा जोड दिए । पार्टीका लुम्बिनी प्रदेश सभापति अमरसिंह पुुनले प्रजातन्त्रका विरोधीहरुले जति नै हल्ला गरे पनि लोकतान्त्रिक गणतन्त्रलाई अब कसैले हल्लाउन नसक्ने प्रष्ट पार्दै नेपाली जनताहरु अब उल्टो वाटो फर्कन सक्दैनन् भने । पार्टीका जिल्ला सभापति नारायण प्रसाद गौडेलले नेपाली कांग्रेसको संरचनागत विकास, सांगठानिक विकास र घरदैलोमा जनताको सेवामा बाँके पार्टी पंक्ति अहोरात्र खटिरहेको बताउदै, यो सबै भूमिकामा पार्टीका कार्यकर्ताहरुको योगदान मननयोग्य रहँदै आएको छ भने ।वडा सभापति जगदिश प्रसाद कुर्मीको सभापतित्वमा कार्यक्रम सम्पन्न भएको थियो ।

पार्टी वडा सचिव हिरेन्द्र बहादुर खड्काले संचालन गरेको कार्यक्रममा नेपाली कांग्रेसका जिल्ला उपसभापति गोपालप्रसाद अधिकारी, प्रदेश सांसद बादशाह कुर्मी, नेपालगञ्जका मेयर प्रशान्त विष्ट र महासमिति सदस्य राजकुमार वर्माले बोलेका थिए भने कार्यक्रममा पार्टीका लुम्बिनी प्रदेश सदस्य कृष्णा सापकोटा चौधरी, जिल्ला सचिव सुधांशु कोइराला, सहसचिव विनोद कुमार थारु, लुम्बिनी प्रदेशका पूर्व सांसद मो= याकुब अन्सारी लगायतको उपस्थिति रहेको थियो । कार्यक्रममा जननायक विपी कोइराला र संविधान पिता सुशील कोइरालाको तस्वीरमा माल्यार्पण गरिएको थियो ।

प्रकाशित मिति: आइतबार, चैत १०, २०८१ १९:००