कांग्रेस बाँकेको तेस्रो जिल्ला सम्मेलन चैत ३० गते, महामन्त्री शर्मा आउने

राजनीति

गृहपृष्ठ
राजनीति
कांग्रेस बाँकेको तेस्रो जिल्ला सम्मेलन चैत ३० गते, महामन्त्री शर्मा आउने

कांग्रेस बाँकेको तेस्रो जिल्ला सम्मेलन चैत ३० गते, महामन्त्री शर्मा आउने

शुक्रबार, चैत १५, २०८१ बागेश्वरी पोस्ट

नेपालगञ्ज । नेपाली कांग्रेस बाँकेको आज बसेको कार्यसमिति बैठकले पार्टीको तेस्रो जिल्ला सम्मेलन नेपालगञ्जमा भव्य तथा सभ्यरुपमा सम्पन्न गर्ने निर्णय गरेको छ ।

पार्टीको तेस्रो जिल्ला सम्मेलन यही चैत ३० गते नेपालगञ्जको भवनियापुरस्थित सिटी हलमा गर्ने निर्णय गरिएको छ । जिल्ला सम्मेलनको महामन्त्री विश्वप्रकाश शर्माले उद्घाटन गर्ने कार्यक्रम तय गरिएको छ ।

पार्टी सभापति नारायण प्रसाद गौडेलको अध्यक्षतामा बसेको कार्यसमिति बैठकले जिल्ला सम्मेलनमा प्रस्तुत हुने बार्षिक नीति तथा कार्यक्रम समेत सर्वसम्मतरुपमा पारित गरेको छ ।

जिल्ला सम्मेलनलाई व्यवस्थितरुपमा सम्पन्न गर्न पदाधिकारी तथा सदस्यहरुको संयोजकत्वमा विभिन्न उपसमिति निर्माण गरिएको छ । ती उपसमितिको नाम र त्यसमा जिम्मेवारी लिनेहरुका नाम पनि बैठकले पारित गरेको छ ।

यसैगरी बैठकमा सचिव सुधांशु कोइरालाद्वारा प्रस्तुत सांगठानिक प्रतिवेदन तथा कोषाध्यक्ष यज्ञ बस्नेतद्वारा प्रस्तुत २०८१ साउन १ गतेदेखि २०८१ चैत १२ गतेसम्मको आय-व्यय विवरणसहितको आर्थिक प्रतिवेदन समेत सर्वसम्मतरुपमा पारित गरिएको छ ।

बैठकमा पार्टीको केन्द्रीय समितिको परिपत्र पनि सभापति गौडेलले प्रस्तुत गरेका थिए । केन्द्रको परिपत्रमा बाँके जिल्लाका पार्टी कार्यकर्ताहरुलाई क्षमता तथा नेतृत्व विकास सम्बन्धि प्रशिक्षण दिने विषय समावेश गरिएको छ ।

सोही बैठकले विहिबार राति काठमाडौंस्थित आप्नै घरको छतबाट लडेर दिवंगत भएका पार्टीका नेता रमेश भण्डारीप्रति श्रद्धाञ्जली पनि व्यक्त गरेको छ ।

प्रकाशित मिति: शुक्रबार, चैत १५, २०८१ २०:४०