पत्रकार हत्या र सञ्चार गृहमाथि भएको आक्रमणको विरोधमा बाँकेका पत्रकार आन्दोलित

समाचार

गृहपृष्ठ
समाचार
पत्रकार हत्या र सञ्चार गृहमाथि भएको आक्रमणको विरोधमा बाँकेका पत्रकार आन्दोलित

पत्रकार हत्या र सञ्चार गृहमाथि भएको आक्रमणको विरोधमा बाँकेका पत्रकार आन्दोलित

शनिबार, चैत १६, २०८१ बागेश्वरी पोस्ट

नेपालगञ्ज । एभिन्युज टेलिभिजनमा कार्यरत फोटो पत्रकार सुरेश रजकको हत्याको विरोधमा नेपाल पत्रकार महासंघ बाँके आन्दोलित भएको छ । बाँके शाखाको अगुवाईमा आज नेपालगञ्जमा प्रदर्शन गरिएको छ । स्थानीय वीपी चोकमा बाँके शाखाले श्रद्धाञ्जली र विरोध सभा गरेको हो ।

राजसंस्था पुनर्स्थापनाको माग गर्दै बिहीबार काठमाडौँ केन्द्रित प्रदर्शनको क्रममा पत्रकार रजकलाई प्रेसको ज्याकेट लगाएको तथा क्यामरा बोकेर भिडियो खिच्दै गरेको अवस्थामा जिउँदै जलाएर हत्या गरेको, पत्रकारमाथि आक्रमण तथा सञ्चार गृहमाथि आगजनी, तोडफोड र ढुंगामुढा गरेको विरोधमा महासङ्घले श्रद्धाञ्जली र विरोध सभा गरेको हो । सभामा बोल्ने बक्ताहरुले हत्याराको पहिचान गरी कडा कारबाहीको माग गरेका छन् । प्रेस स्वतन्त्रतामाथि धावा बोल्ने दुष्कर्म नगर्न चेतावनी दिइएको छ ।

सभामा नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाई, बाँके अध्यक्ष नवीन गिरी, पूर्व अध्यक्ष लियाकत अली, नेपाल प्रेस युनियन बाँके अध्यक्ष प्रियास्मृति ढकाल, चौतारी नेपालका अध्यक्ष कमल डाँगीले बोलेका थिए । कार्यक्रमको सञ्चालन सहसचिव भगतराम थारुले गरेका थिए ।

May be an image of ‎8 people, crowd and ‎text that says '‎RIOTS BMC ASJF सथा सथ सुनिया पत्रकार तगा सचार गृहमाथि नियोजित अराजमता, अराजकती उद ل ਤਟ gl5‎'‎‎

पत्रकारहरुले पत्रकार सुरेश रजकका हत्यारालाई कार्वाही गर, पत्रकार तथा संचार गृहमाथिको सुनियोजित आक्रमण बन्द गर, पत्रकारको पेशागत सुरक्षाको ग्यारेन्टी गर, पूर्ण प्रेस स्वतन्त्रता सुनिश्चित गर, अराजकता, उच्छृङ्खलता र उद्दण्डता स्वीकार्य छैन, अराजकता बन्द गर लगायतका प्लेकार्डसहित विरोध प्रदर्शन गरेका थिए ।

May be an image of 1 person, crowd and text May be an image of 2 people, crowd and text May be an image of 14 people, crowd and text