सहकर्मी हत्याको विरोधमा बाँकेका पत्रकार हातमा कालोपट्टी बाँधेर कार्यस्थलमा खटिए

समाचार

गृहपृष्ठ
समाचार
सहकर्मी हत्याको विरोधमा बाँकेका पत्रकार हातमा कालोपट्टी बाँधेर कार्यस्थलमा खटिए

सहकर्मी हत्याको विरोधमा बाँकेका पत्रकार हातमा कालोपट्टी बाँधेर कार्यस्थलमा खटिए

आइतबार, चैत १७, २०८१ बागेश्वरी पोस्ट

नेपालगञ्ज । राजसंस्था पुनःस्थापनाको माग गर्दै गरिएको प्रदर्शनका क्रममा गत बिहिबार पत्रकारको हत्या, कुटपिट, दुर्व्यवहार तथा सञ्चार गृहमा गरिएको आगजनी, तोडफोड र ढुंगामुढा विरुद्ध आन्दोलित बनेका पत्रकारहरुले आज हातमा कालोपट्टी बाँधेर काम गरे ।

नेपाल पत्रकार महासंघ केन्द्रिय समितिको निर्णय अनुसार देशभरका पत्रकार आन्दोलित भइरहेका बेला बाँकेमा क्रियाशील पत्रकारहरुले पनि बिरोध स्वरुप हातमा कालोपट्टी बाँधेका हुन् । पत्रकार महासंघ बाँकेको कार्यालयमा बिहान उपस्थित भएर कालोपट्टी बाँधेका पत्रकारहरु कार्यक्षेत्रमा खटिएका थिए ।

पत्रकारहरुले दिनभर हातमा कालोपट्टी बाँधेर समाचार संकलन गरेका थिए । पत्रकार महासंघ बाँकेका अध्यक्ष नवीन गिरीले महासंघको केन्द्रिय सर्कुलर अनुसार बाँकेमा पनि आज दिनभर बिरोध स्वरुप हातमा कालोपट्टी बाँधेर पत्रकारहरु कार्यस्थलमा खटिएको बताए । ‘पत्रकारको हत्या, कुटपिट, आगजनी र सञ्चार माध्यममाथिको आक्रमण विरुद्ध हामी आन्दोलित छौं, आन्दोलन कार्यक्रम अन्तरगत आज बिरोध स्वरुप हातमा कालोपट्टी बाँधेका हौं,’ उनले भने ।

May be an image of 14 people and text

यसअघि शनिबार बेलुका महासंघको आयोजनामा श्रद्धाञ्जली तथा बिरोध सभा गरिएको थियो । स्थानीय विपी चोकमा आयोजित सभालाई सम्बोधन गर्ने बक्ताले लोकतन्त्रमा मात्रै पूर्ण प्रेस स्वतन्त्रताको अनुभूति गर्न पाइने बताए । पूर्वराजा समर्थकको आन्दोलनका क्रममा काठमाडौंको तिनकुनेमा एभिन्युज टिभीमा कार्यरत फोटो पत्रकार सुरेश रजकको आगजनी गरी हत्या गरिएको थियो भने केही पत्रकारलाई घाइते बनाइएको थियो । सञ्चार गृहमाथि पनि आगजनी, तोडफोड र ढुंगामुढा गरिएको थियो ।

प्रकाशित मिति: आइतबार, चैत १७, २०८१ १९:१३

प्रतिक्रिया दिनुहोस्