नेकपा एकीकृत समाजवादी नेता कोइरालाप्रति प्रचण्डद्वारा श्रद्धाञ्जली अर्पण

राजनीति

गृहपृष्ठ
राजनीति
नेकपा एकीकृत समाजवादी नेता कोइरालाप्रति प्रचण्डद्वारा श्रद्धाञ्जली अर्पण

नेकपा एकीकृत समाजवादी नेता कोइरालाप्रति प्रचण्डद्वारा श्रद्धाञ्जली अर्पण

बुधबार, चैत २०, २०८१ बागेश्वरी पोस्ट

नेपालगञ्ज । नेकपा एकीकृत समाजवादीका पोलिटब्युरो सदस्य अशोक कोइरालाको निधनको १०औं दिनमा नेकपा माओवादी केन्द्रका अध्यक्ष एवं पूर्व प्रधानमन्त्री पुष्पकमल दाहाल प्रचण्डले कोइराला निवास कोहलपुर नगरपालिका-११ दशबिगाहामा पुगेर श्रद्धाञ्जली अर्पण गरेका छन् ।

प्रचण्डसंगै माओवादी केन्द्रका उपाध्यक्ष पम्फा भुसाल, लुम्बिनी प्रदेशका पूर्व मुख्यमन्त्री एवं माओवादी केन्द्रका नेता कुलप्रसाद केसी, जिल्ला संयोजक नरेन्द्र पाण्ड 'जेम्स', गोपाल प्रसाद अधिकारी, गंगा दाहाल, प्रदेश सभा सदस्य कृष्णा केसी 'नमुना', खजुरा गाउँपालिका अध्यक्ष डम्बर बहादुर बिक 'तुफान' लगायत माओवादी केन्द्रका नेता तथा कार्यकर्ताहरू कोइरालालाई श्रद्धाञ्जली दिन पुगेका थिए ।

श्रद्धाञ्जली सभामा माओवादी केन्द्रले स्वर्गीय कोइरालाप्रति भावपूर्ण श्रद्धाञ्जली अर्पण गर्दै उनको योगदानको उच्च प्रशंसा गरेको छ । पार्टीको तर्फबाट जारी समवेदनामा भनिएको छ, "कोहलपुर नगरपालिका वडा नम्बर ११ निवासी नेकपा एकीकृत समाजवादीका पोलिटब्युरो सदस्य अशोक कोइरालाको २०८१ चैत ११ गते उपचारका क्रममा भएको अकल्पनीय निधनले हाम्रो पार्टी माओवादी केन्द्र परिवारलाई स्तब्ध बनाएको छ । कोइरालाले राज्य परिवर्तन र समग्र कम्युनिष्ट आन्दोलनमा निर्वाह गरेको भूमिका अतुलनीय छ ।" माओवादीले कोइरालाको अप्रत्याशित निधनले कम्युनिष्ट आन्दोलन तथा उनको परिवारलाई ठूलो क्षति पुगेको उल्लेख गर्दै उनीप्रति श्रद्धाञ्जली व्यक्त गरेको छ ।

प्रकाशित मिति: बुधबार, चैत २०, २०८१ २०:३१

प्रतिक्रिया दिनुहोस्