कांग्रेस वडा उपसभापति पुनको हत्या, घटनाको भत्सर्ना र दोषीलाई कारबाहीको माग

राजनीति

गृहपृष्ठ
राजनीति
कांग्रेस वडा उपसभापति पुनको हत्या, घटनाको भत्सर्ना र दोषीलाई कारबाहीको माग

कांग्रेस वडा उपसभापति पुनको हत्या, घटनाको भत्सर्ना र दोषीलाई कारबाहीको माग

शुक्रबार, चैत २२, २०८१ बागेश्वरी पोस्ट

नेपालगञ्ज । नेपाली कांग्रेस बाँकेले कोहलपुर नगरपालिका वडा नम्बर ७ का पार्टी वडा उपसभापति एवम् सोही वडाका पूर्व वडा सदस्य ३९ बर्षीया दुर्गा बहादुर पुन मगरको हत्याको घोर भत्सर्ना गरेको छ ।

नेपाली कांग्रेस बाँकेका सभापति नारायण प्रसाद गौडेलले पार्टीका एक होनहार कार्यकर्ताको हत्या हुनुलाई समान्यरुपमा लिन नसकिने बताउँदै हत्यामा संलग्न जोसुकै भए पनि कानुन बमोजिम सजाय दिनुपर्ने माग गरेका छन् ।

May be an image of text

सभापति गौडेलले आज जारी गरेको प्रेस विज्ञप्तिमा पार्टीको विभिन्न कार्यक्रममा सहभागी भएर राति घर फर्कने क्रममा सामूहिकरुपमा भएको हत्याको घटनालाई सामान्यरुपमा लिन नसकिने भनिएको छ ।

विज्ञप्तिमा दिवंगत पुन मगरको आत्माको चीरशान्तिको कामना गर्दै शोक सन्तप्त परिवारजनप्रति समवेदना समेत व्यक्त गरिएको छ ।

पार्टीका वडा उपसभापति पुन मगरको विहिबार राति साढे नौ बजे सोही वडाको रजगढवामा सामूहिकरुपमा हत्या गरिएको थियो । जिल्ला प्रहरी कार्यालयका प्रवक्ता प्रहरी नायब उपरीक्षक दिपक पातलीले हत्यामा संलग्न भएको आशंकामा चार जनालाई नियन्त्रणमा लिइएको जानकारी दिएका छन् ।

प्रकाशित मिति: शुक्रबार, चैत २२, २०८१ १६:३६

प्रतिक्रिया दिनुहोस्