आन्दोलनको उपलब्धि गुम्न दिँदैनौं: अध्यक्ष नेपाल

राजनीति

गृहपृष्ठ
राजनीति
आन्दोलनको उपलब्धि गुम्न दिँदैनौं: अध्यक्ष नेपाल

आन्दोलनको उपलब्धि गुम्न दिँदैनौं: अध्यक्ष नेपाल

शनिबार, चैत २३, २०८१ बागेश्वरी पोस्ट

कोहलपुर । नेकपा एकीकृत समाजवादी पार्टीका अध्यक्ष माधव कुमार नेपालले २०६२/६३ को आन्दोलनका उपलब्धिलाई गुम्न नदिने बताएका छन् । नेकपा एकीकृत समाजवादीका पोलिटव्युरो सदस्य स्व. अशोक कोइरालाको १३औं दिनको पुण्यतिथिमा नेकपा एकीकृत समाजवादी पार्टी लुम्बिनी प्रदेश, बाँके जिल्ला कमिटी र कोहलपुर नगर कमिटीले संयुक्तरुपमा आयोजना गरेको श्रद्धाञ्जली सभामा बोल्दै उनले लोकतन्त्रको विकल्प उन्नत लोकतन्त्र नै भएको बताए । जनआन्दोलनका उपलब्धि खोस्न प्रतिकृयावादीले चलखेल गरे पनि समाजवादी मोर्चाले गरेको प्रदर्शनबाट उनीहरु अत्तालिएको नेपालको भनाई छ ।

विद्यार्थी कालबाट राजनीति सुरु गरेका स्वर्गीय कोइरालाले बाँके जिल्ला सचिव, अध्यक्ष, केन्द्रीय सदस्य, पोलिटव्युरो सदस्य भएर बाँके, बर्दिया र लुम्बिनी प्रदेशभरि नै पार्टी निर्माण ठूलो योगदान गरेको उनले बताए । सोही सभामा पार्टी केन्द्रीय उपाध्यक्ष प्रकाश ज्वालाले स्वर्गीय कोइरालासंग विद्यार्थी कालबाटै संगै राजनीति सुरु गरेको तथा बाँके र कोहलपुरको विकासको लागि मरिहत्ते गर्ने असल सहयात्री योद्धा गुमाएको बताए । संविधानसभा सदस्य देवराज भार, नेपाली कांग्रेस जिल्ला सभापति नारायण प्रसाद गौडेल, नेकपा माओवादीका केन्द्रीय सदस्य आइपी खरेल, रास्वपा जिल्ला सदस्य राजेन्द्र प्रसाद श्रेष्ठले बाँके र कोहलपुरको विकासका लागि व्यक्तिगत स्वार्थ भन्दा माथि उठेर निःस्वार्थ लागिपर्ने सहकर्मी गुमाउनु परेको बताए ।

सभामा समाजवादी पार्टी उपमहासचिव मेटमणि चौधरी, केन्द्रीय सचिव सोम प्रसाद पाण्डे, पोलिटब्युरो सदस्य दामोदर प्रसाद अर्याल, अब्दुल हुसेन खाँ, संविधानसभा सदस्य निर्मल सुवेदी लगायतको उपस्थिति रहेको थियो । सभालाई सम्वोधन गर्दै कोइरालाकी धर्मपत्नी मञ्जु कोइरालाले अशोकका अधुरो सपना पूरा गर्न आफू सदैव लागि रहने भन्दै दुःखद् घडीमा सम्झिने नेता,कर्याकर्ता, इष्टमित्र, आफन्तजनमा कृतज्ञता व्यक्त गरिन् । श्रद्धाञ्जली सभाको अध्यक्षता बाँके अध्यक्ष इन्द्र बहादुर थापाले गरेका थिए भने सभा सञ्चालन पार्टी सचिव दिपक जिएमले गरेका थिए ।

प्रकाशित मिति: शनिबार, चैत २३, २०८१ २२:४८

प्रतिक्रिया दिनुहोस्