वीपीको शालिकमा कालो कपडा बेरेपछि कांग्रेसद्वारा निन्दा, दोषीलाई कडा कारबाहीको माग

राजनीति

गृहपृष्ठ
राजनीति
वीपीको शालिकमा कालो कपडा बेरेपछि कांग्रेसद्वारा निन्दा, दोषीलाई कडा कारबाहीको माग

वीपीको शालिकमा कालो कपडा बेरेपछि कांग्रेसद्वारा निन्दा, दोषीलाई कडा कारबाहीको माग

आइतबार, चैत २४, २०८१ बागेश्वरी पोस्ट

नेपालगञ्ज । नेपाली कांग्रेस बाँकेले राजावादीहरुको अराजक समूहले नेपालगञ्जस्थित विपी चोकमामा रहेको जननायक विपी कोइरालाको शालिकमा कालो कपडाले ढाक्ने र कालो दल्ने कार्यको घोर भत्सर्ना तथा निन्दा गरेको छ ।

आफ्ना नेता कार्यकर्ता पक्राउ परेको विरोधमा राजावादीहरुको समूहले शनिवार साँझ वीपी चोकमा राँके जुलुस प्रदर्शन गर्ने क्रममा त्यहाँ रहेको महामानव वीपी कोइरालाको शालिकमा कालो कपडाले ढाक्ने र कालो दल्ने काम गरेको भन्दै कांग्रेसले घटनाको निन्दा गरेको हो ।

नेपाली कांग्रेस बाँकेका सभापति नारायणप्रसाद गौडेलद्वारा आज जारी विज्ञप्तिमा भनिएको छ-‘आन्दोलनका नाममा देखाइएको यस्तो अराजक र उद्दण्डताको जति निन्दा गरे पनि कम हुन्छ, यस्तो हर्कतको हामी कडा शब्दमा निन्दा गर्दछौं ।’

प्रहरी प्रशासनकै बाक्लो उपस्थितिबीच यस खाले अशोभनीय र निन्दनीय घटना हुनुलाई पार्टीले गम्भीररुपमा लिएको छ भन्दै प्रेस विज्ञप्तिमा आन्दोलनका नाममा यस्तो अराजकता मच्चाउने समूहलाई तत्काल पक्राउ गरी कारवाही गर्न नेपाली कांग्रेस बाँकेले जोडदार माग गरेको छ ।

May be an image of text

‘लोकतन्त्रमा आफ्ना विचार र भावना तथा अभिव्यक्ति राख्ने तथा शान्तिपूर्ण आन्दोलन गर्ने छुट सबैलाई भएपनि अराजकता र उच्छृंखलता सह्य हुन सक्दैन,’ प्रेस विज्ञप्तिमा भनिएको छ-‘लोकतन्त्रको विकल्प ‘उन्नत लोकतन्त्र’ नै हो भन्ने मान्यतामा अडिग सबैभन्दा ठूलो र पुरानो पार्टी नेपाली कांग्रेसका संस्थापक नेता, प्रथम जननिर्वाचित प्रधानमन्त्री महामानव वीपी कोइरालाको शाकिकप्रति नै गिद्धे नजर लगाउने र हतास मानसिकताको उपज स्वरुप गरिएको उक्त निन्दनिय र उपद्रो कार्य गर्ने विरुद्ध कारवाही लागि तदारुकता नदेखाइए नेपाली कांग्रेस बाँके कडा ढंगले प्रस्तुत हुन बाध्य हुनेछ ।’

प्रकाशित मिति: आइतबार, चैत २४, २०८१ १६:०३

प्रतिक्रिया दिनुहोस्