बाँकेको मानपुरमा मोटरसाइकल दुर्घटना हुँदा प्रहरीका असई बस्नेतको मृत्यु

समाचार

गृहपृष्ठ
समाचार
बाँकेको मानपुरमा मोटरसाइकल दुर्घटना हुँदा प्रहरीका असई बस्नेतको मृत्यु

बाँकेको मानपुरमा मोटरसाइकल दुर्घटना हुँदा प्रहरीका असई बस्नेतको मृत्यु

बुधबार, चैत २७, २०८१ बागेश्वरी पोस्ट

नेपालगंज । बाँकेमा मोटरसाइकल दुर्घटनामा एक जनाको मृत्यु भएको छ ।

नेपालगंज-गुलरिया सडकखण्ड अन्तर्गत जानकी गाउँपालिका-३ स्थित मानपुरनजिक आज दिउँसो रोकेर राखेको ट्याक्टरको ट्रली पछाडि मोटरसाइकल ठोक्किएर दुर्घटना हुँदा प्रहरी सहायक निरीक्षक (असई) टोप बहादुर वस्नेतको मृत्यु भएको प्रहरीले जनाएको छ ।

लु. ७८ प. ३८५० नम्बरको मोटरसाइकल अनियन्त्रित भई ट्रलीमा ठोक्किँदा कोहलपुर नगरपालिका–२ का ४५ वर्षीय असई बस्नेत गम्भीर घाइते हुनुभएको थियो । बस्नेतलाई उपचारका लागि नेपालगञ्जस्थित सञ्जिवनी मेडिकल कलेज अफ साइन्समा पुर्‍याइएको थियो । तर, अस्पताल पुर्याइए लगत्तै चिकित्सकले उहाँलाई मृत घोषणा गरेको प्रहरीले जनाएको छ ।

बस्नेत कार्यालयको कामको सिलसिलामा बाँके आएर बर्दियातर्फ फर्किँदै गर्दा दुर्घटनामा पर्नुभएको हो । इलाका प्रहरी कार्यालय राजापुरमा दरबन्दी रहेका बस्नेत जिल्ला प्रहरी कार्यालय बर्दियामा कार्यरत रहेको बताइएको छ।

प्रकाशित मिति: बुधबार, चैत २७, २०८१ १८:२०

प्रतिक्रिया दिनुहोस्