नेपालगञ्जमा कानुन व्यवसायी परिषद लुम्बिनी प्रदेश सम्पर्क कार्यालय स्थापना

समाचार

गृहपृष्ठ
समाचार
नेपालगञ्जमा कानुन व्यवसायी परिषद लुम्बिनी प्रदेश सम्पर्क कार्यालय स्थापना

नेपालगञ्जमा कानुन व्यवसायी परिषद लुम्बिनी प्रदेश सम्पर्क कार्यालय स्थापना

शुक्रबार, चैत २९, २०८१ बागेश्वरी पोस्ट

नेपालगञ्ज । नेपालगञ्जमा नेपाल कानुन व्यवसायी परिषद लुम्बिनी प्रदेश सम्पर्क कार्यालय स्थापना गरिएको छ । सर्वोच्च अदालतका न्यायाधीश अब्दुल अजिज मुसलमानले आज एक कार्यक्रमका बीच बार भवनभित्र अवस्थित सम्पर्क कार्यालय उद्घाटन गरेका हुन् ।

May be an image of 5 people, dais and text

बाँके जिल्ला तथा उच्च अदालत बार एसोसिएशन नेपालगञ्ज र नेपाल कानुन व्यवसायी परिषद लुम्बिनी प्रदेश सम्पर्क कार्यालय नेपालगञ्जको आयोजनामा आयोजित 'नव बर्ष २०८२ सालको शुभकामना आदानप्रदान तथा सम्पर्क कार्यालय उद्घाटन कार्यक्रम' मा नेपाल कानुन व्यवसायी परिषद लुम्बिनी प्रदेश पार्षद ईश्वरी ज्ञवालीले कार्यालय स्थापनापछि आफूले गर्ने कामलाई ब्यवस्थित तरिकाले सम्पादन गर्न सहज हुने बताए । उनले आफूले पाएको जिम्मेवारी कुशलतापूर्वक निभाउने विश्वास दिलाए ।

कार्यक्रममा प्रमुख अतिथि न्यायाधीश मुसलमान, उच्च अदालतका मुख्य न्यायाधीश चन्द्र बहादुर सारु, जिल्ला अदालतका न्यायाधीश भिष्मराज पछाई, वरिष्ठ अधिबक्ता विजय कुमार गुप्ता, बर्दिया जिल्ला अदालत बार अध्यक्ष खडानन्द तिवारी, नेपाल पत्रकार महासंघ बाँके अध्यक्ष नवीन गिरीले मन्तब्य ब्यक्त गर्दै नव बर्ष २०८२ को शुभकामना दिएका थिए । उच्च अदालत बार एसोसिएशन अध्यक्ष चित्र बहादुर शाहीको अध्यक्षतामा सम्पन्न कार्यक्रममा जिल्ला बार अध्यक्ष मेहर सिंह खत्री, बरिष्ठ अधिबक्ता, अधिबक्ताहरुको उपस्थिति थियो । कार्यक्रमको सञ्चालन अधिबक्ता पदम पाण्डेले गरेका थिए ।

May be an image of 4 people, dais and text