नयाँ बर्षमा कोहलपुर न्यु सिटीको विशेष योजना: घडेरी खरिद गर्नेलाई अफर !

समाचार

गृहपृष्ठ
समाचार
नयाँ बर्षमा कोहलपुर न्यु सिटीको विशेष योजना: घडेरी खरिद गर्नेलाई अफर !

नयाँ बर्षमा कोहलपुर न्यु सिटीको विशेष योजना: घडेरी खरिद गर्नेलाई अफर !

आइतबार, चैत ३१, २०८१ बागेश्वरी पोस्ट

कोहलपुर (बाँके) । कोहलपुर डेभलपर्स प्रालिले बैजनाथ-५ स्थित कोहलपुर न्यु सिटीमा घडेरी खरिद गर्ने ग्राहकका लागि नयाँ वर्ष २०८२ को अवसरमा विशेष योजना ल्याएको छ । कोहलपुरमा आज विहान पत्रकार भेटघाट गर्दै कोहलपुर डेभलपर्सले घडेरी खरिद गरी पाँच महिनाभित्र घर निर्माण गर्ने ग्राहकलाई विशेष अफर दिएको जनाएको छ ।

कोहलपुर डेभलपर्स प्रालिका सिभिल इन्जिनियर रविन खड्काका अनुसार ग्राहकले घडेरी खरिद गर्दा मालपोत कार्यालयमा तिर्नुपर्ने रजिष्ट्रेशन शुल्क र राजश्व प्रालिले नै भुक्तानी गरिदिने, घडेरी खरिदको मूल्यको ५० प्रतिशत बैंक फाइनान्स सुविधा र दुई तलासम्म घर निर्माण गर्दा त्यसमा लाग्ने सिमेन्ट र ईटामा ५० प्रतिशतसम्म प्रालिले नै बेहोर्नेछ । कोहलपुर न्यु सिटीका व्यवस्थापक सुरेश आचार्यले त्यहाँ ५०० बढी पूर्वाधारयुक्त घडेरी विकास गरी विक्री वितरण गर्दै आएको बताए । कालोपत्रे सडक, विजुली बत्ती, सतही पानी निकास, खानेपानी, निर्माणाधीन अस्पताल, नगर बसपार्क, प्रहरी चौकी तथा निजी स्कुलहरु समेत रहेको कोहलपुर न्यु सिटी प्लानिङ क्षेत्रभित्र ८ धुरदेखि १२ धुरसम्मका घडेरी खरिद गर्न सकिने आचार्यले बताए ।

कोहलपुर न्यु सिटी २० विगाहा क्षेत्रफलमा फैलिएको छ । नेपालगन्ज विमानस्थलबाट १८ किलोमिटर तथा कोहलपुर चौराहाबाट ६ किलोमिटर पश्चिम र पूर्व पश्चिम राजमार्गदेखि ४५० मिटर दक्षिणमा अवस्थित कोहलपुर न्यु सिटीलाई वृक्षारोपण गरेर वातावरणमैत्री क्षेत्र बनाइएको इन्जिनियर खड्काले बताए । उनका अनुसार त्यसभित्र मुख्य सडक ७ मिटर र सहायक सडक ५ मिटर चौडाईका छन् । मुख्य सडकमा प्रति धुर ५ लाख २५ हजार र सहायक सडकमा ४ लाख २५ हजारमा घडेरी खरिद गर्न सकिन्छ । हालसम्म डेढ सय खडेरी विक्री भइसकेको कोहलपुर न्यु सिटीका व्यवस्थापक आचार्यले बताए । आचार्यका अनुसार डुबानको समस्या नहुने गरी प्लानिङ गरिएको छ ।

कोहलपुर डेभलपर्सले कोहलपुर न्यु सिटीभित्र सामाजिक उत्तरदायित्व अन्तर्गत थुप्रै कामहरु समेत गरेको इन्जिनियर खड्काले बताए । खानेपानी आयोजनाको लागि ३ कट्ठा, प्रहरी विटका लागि २ कट्ठा, बसपार्क क्षेत्रलाई ६ कट्ठा र वैजनाथ गाउँपालिकाको निर्माणाधीन १५ शैयाको अस्पतालका लागि ११ कट्ठा जमिन नि:शुल्क उपलब्ध गराइएको छ । कोहलपुर डेभलपर्सले आजै पत्रकारहरुलाई कोहलपुर न्यु सिटी क्षेत्रको 'फिल्ड भिजिट' पनि गराएको थियो ।

प्रकाशित मिति: आइतबार, चैत ३१, २०८१ १८:०६

प्रतिक्रिया दिनुहोस्