हतकडीसहित भागेकी मीना भारतबाट पक्राउ

सुरक्षा-अपराध

गृहपृष्ठ
सुरक्षा-अपराध
हतकडीसहित भागेकी मीना भारतबाट पक्राउ

हतकडीसहित भागेकी मीना भारतबाट पक्राउ

सोमबार, वैशाख १५, २०८२ बागेश्वरी पोस्ट

नेपालगन्ज । मानव बेचबिखन मुद्दामा पक्राउ परेर हतकडीसहित फरार भएकी महिला थुनुलाई प्रहरीले भारतबाट पक्राउ गरेको छ।

कैलालीमा मानव बेचबिखन मुद्दामा पक्राउ परेर शनिबार जिल्ला सरकारी वकिलको कार्यालयबाट भागेकी ५० वर्षीय मीना शाही दमाइलाई प्रहरीले भारतको पलियामा लुकिछिपी बसेको अवस्थामा पक्राउ जिल्ला प्रहरी कार्यालय कैलालीले जानकारी दिएको छ।

कैलाली प्रहरीका अनुसार मीनालाई म्याद थपका लागि जिल्ला सरकारी वकिल कार्यालय लगेको बेला हतकडीसहित भागेकी थिइ। उक्त घटनामा प्रहरीका दुई कर्मचारीलाई निलम्बन गरिएको छ।

निलम्बन हुनेमा प्रहरी सहायक हवल्दार चक्र अधिकारी र प्रहरी जवान लोकराज जोशी रहेको जिल्ला प्रह!कार्यालय कैलालीले जानकारी दिएको छ।

प्रकाशित मिति: सोमबार, वैशाख १५, २०८२ १२:२०