अनलाइन टिभी पत्रकार संघ लुम्बिनी प्रदेशको पहिलो बैठक नेपालगञ्जमा बस्यो

समाचार

गृहपृष्ठ
समाचार
अनलाइन टिभी पत्रकार संघ लुम्बिनी प्रदेशको पहिलो बैठक नेपालगञ्जमा बस्यो

अनलाइन टिभी पत्रकार संघ लुम्बिनी प्रदेशको पहिलो बैठक नेपालगञ्जमा बस्यो

शुक्रबार, जेठ ९, २०८२ बागेश्वरी पोस्ट

नेपालगञ्ज । अनलाइन टिभी पत्रकार संघ नेपाल लुम्बिनी प्रदेशको पहिलो बैठक नेपालगञ्जमा बसेको छ । लुम्बिनी प्रदेश अध्यक्ष कृष्णराज अधिकारीको अध्यक्षतामा बसेको बैठकले एआईको प्रयोगलाई ब्यबस्थित बनाउँदै प्राविधिक बिषयमा ज्ञान प्रदान गर्ने, स्थानीय तह, प्रदेश सरकार र संघीय सरकारसंग समन्वय गरी मिडियामा प्रविधिको सही प्रयोगमा सहजीकरण गर्ने र अनलाइन टेलिभिजनहरुले गरेको क्रियाकलापको अनुगमन गरी सही परामर्श दिने तथा विकासको काममा सहयोगी बनाउन अनलाइन टेलिभिजनहरुलाई एकिकृत गर्ने लगायतका निर्णय गरेको सचिव सावित्री गिरीले बताइन् । अनलाइन टिभी पत्रकार संघ नेपाल लुम्बिनी प्रदेशको दोस्रो बैठक दाङ जिल्लामा असार महिनामा बस्ने र जेठ महिनाको अन्तिमतिर बर्दिया जिल्लामा शाखा विस्तार गर्ने समेत निर्णय गरिएको सचिव गिरीले जानकारी दिइन् ।

बैठकमा अध्यक्ष अधिकारीले पत्रकार आचारसंहितालाई पूर्णरुपमा कार्यान्वयन गर्नु आजको आवश्यकता मात्र नभई नीतिनियम संगत पत्रकारिता गर्न सबैलाई आग्रह गरेका छन् । अधिकारीले डिजिटल मिडियाको युगमा अनलाइन टेलिभिजन पत्रकारितामा आउनेलाई स्वागत गर्दे पत्रकारिताका सिद्धान्त अनुरुप मार्गदर्शन गर्न काम गर्ने, अनलाइन पत्रकारिता विकासका लागि भूमिका निर्वाह गर्ने र पत्रकारिता गरिरहेका पत्रकारहरुका लागि सीप प्रदान गर्ने बताए । उनले पत्रकार आचारसंहिता र पत्रकारको हकहितका लागि आफू सधैं प्रतिबद्ध रहेको समेत बताएका छन् । संघले लुम्बिनी प्रदेशका १२ वटै जिल्लाहरुमा शाखा विस्तार गरी विभिन्न रचनात्मक कार्यक्रमहरु सञ्चालन गर्ने बताएको छ ।

प्रकाशित मिति: शुक्रबार, जेठ ९, २०८२ २१:०३

प्रतिक्रिया दिनुहोस्