राप्तीसोनारी गाउँपालिकामा तीन दिने आधारभूत पत्रकारिता तालिम सम्पन्न

समाचार

गृहपृष्ठ
समाचार
राप्तीसोनारी गाउँपालिकामा तीन दिने आधारभूत पत्रकारिता तालिम सम्पन्न

राप्तीसोनारी गाउँपालिकामा तीन दिने आधारभूत पत्रकारिता तालिम सम्पन्न

शनिबार, जेठ १७, २०८२ बागेश्वरी पोस्ट

राप्तीसोनारी (बाँके) । राप्तीसोनारी गाउँपालिकामा आयोजित तीन दिने आधारभूत पत्रकारिता तालिम शुक्रबार सम्पन्न भएको छ । नेपाल पत्रकार महासंघ बाँके शाखाको आयोजना एवम् राप्तीसोनारी गाउँपालिकाको सहयोगमा तालिम सम्पन्न भएको हो । तालिम जेठ १४ गते सुरु भएको थियो ।

तालिम समापन कार्यक्रमलाई सम्बोधन गर्दै गाउँपालिका अध्यक्ष तप्त बहादुर पौडेलले पत्रकारिता सशक्त र जिम्मेवार पेशा भएको भन्दै यसले समाजलाई सही दिशा निर्देश गर्नुपर्नेमा जोड दिए । सहभागी प्रशिक्षार्थीहरुलाई तालिम सिकेर पत्रकारितातर्फको यात्रा प्रारम्भ भएको बताउँदै उनले सक्षम र अनुशासित ढंगले अघि बढ्न आग्रह गरे । आफ्नो गाउँठाउँको विषयबस्तुलाई सही ढंगले उठान गर्नुपर्नेमा उनले जोड समेत दिए । अध्यक्ष पौडेलले अर्को बर्ष नेपाल पत्रकार महासंघसंगको सहकार्यमा एड्भान्स्ड तालिम आयोजना गर्ने पनि बताए । उनले पालिकाको सञ्चार नीति निर्मााण गर्नका लागि आगामी आर्थिक बर्षमा बजेट बिनियोजन गर्ने प्रतिबद्धता समेत जनाएका छन् ।

उपाध्यक्ष मनिषा सिंह थारुले सिकेको सीप र ज्ञानलाई ब्यबहारमा लागू गर्न आग्रह गर्दै मर्यादित पत्रकारिता अहिलेको आवश्यकता रहेकोमा जोड दिइन् । अफबाह फैलाउने नभई सत्यतथ्य प्रसारका लागि पत्रकारहरु गम्भीर बन्नुपर्ने आवश्यकता औंल्याइन् । नेपाल पत्रकार महासंघ बाँकेका अध्यक्ष नवीन गिरीले नयाँ पुस्तामा पत्रकारिताको भोक जगाउन आधारभूत तालिमले भूमिका खेल्ने बताए । उनले पत्रकारिताप्रति रुची भएका नव युवाहरुका लागि तालिमले सही मार्ग निर्देशन प्रदान गर्ने विश्वास ब्यक्त गरे । गिरीले आगामी नीति तथा कार्यक्रम र बजेटमा सञ्चार क्षेत्रलाई प्राथमिकता दिन गाउँपालिकालाई आग्रह पनि गरे । तालिम आयोजना गर्न सहयोग गर्ने राप्तीसोनारी गाउँपालिका तथा सहजीकरण गर्ने प्रशिक्षक, प्रशिक्षार्थी लगायतलाई उनले धन्यवाद ज्ञापन गरे ।

तालिममा राप्तीसोनारीका ९ वटै वडाबाट प्रशिक्षार्थीहरुको सहभागिता रहेको सचिव कृष्ण ओलीले बताए । प्रशिक्षार्थीहरुलाई अध्यक्ष पौडेल र उपाध्यक्ष थारुले प्रामाणपत्र प्रदान गरेका थिए । नेपाल पत्रकार महासंघ बाँकेको तर्फबाट अध्यक्ष गिरीले गाउँपालिकालाई मायाको चिनो प्रदान गरेका थिए । तालिममा पत्रकारहरु शंकर प्रसाद खनाल, प्रियास्मृति ढकाल, अर्जुन ओली, कमल डाँगी, विमला चौधरी र सावित्रि गिरीले सहजीकरण गरेका थिए ।

May be an image of 7 people and text

May be an image of 13 people and text that says 'राटता प्योनारी गाउपालिका आधारमूत पत्रकारिता तालिम बिंति ၁ सात जेठ देড়ি জ गटोराम्त स्सान राप्ती सोनारी माडंपलिकाको सभाहल. अगेया सहयोग राध्ती मारीमीया पइलिका и फअरिसয়नर आयोजक बेपाल नकर तहासंम រាធ់' May be an image of 5 people, people studying and people smiling