माहुरी होमले ग¥यो नेपालगञ्जमा कार्यशाला गोष्ठी

समाचार

गृहपृष्ठ
समाचार
माहुरी होमले ग¥यो नेपालगञ्जमा कार्यशाला गोष्ठी

माहुरी होमले ग¥यो नेपालगञ्जमा कार्यशाला गोष्ठी

आइतबार, जेठ २५, २०८२ बागेश्वरी पोस्ट

नेपालगञ्ज । मधेश मानव अधिकार गृह (माहुरी होम) ले नेपालगञ्जमा आज कार्यशाला गोष्ठी गरेको छ । संरक्षण परियोजना अन्तर्गत अल्पसंख्यक सिमान्तकृत समुदाय पहिचान तथा सामाजिक न्याय प्राप्तिको अवस्था विषयक कार्यशाला गोष्ठी गरिएको हो । बाँके जिल्लास्थित सरोकारवालाहरुसंग गरिएको कार्यशाला गोष्ठी संस्थाका अध्यक्ष रामदयाल ठाकुरको अध्यक्षता एवम् जिल्ला समन्वय समिति प्रमुख ज्ञानेन्द्र कुमार चौधरीको प्रमुख आतिथ्यतामा सम्पन्न भएको थियो ।

गोष्ठीमा जिल्ला समन्वय समिति उपप्रमुख सीता कार्की, नेपालगञ्ज उपमहानगरपालिकाका उपप्रमुख कमरुद्दिन राई, नरैनापुर गाउँपालिकाका अध्यक्ष इश्तियाक अहमद शाह, जानकीका अध्यक्ष छब्बन खाँ, कोहलपुर नगरपालिकाका प्रमुख प्रशासकीय अधिकृत मान बहादुर गिरी, डुडुवाका प्रमुख प्रशासकीय अधिकृत अशोक कुमार पाण्डेय लगायत विभिन्न समुदायका ब्यक्तिहरुको सहभागिता रहेको माहुरी होमका बाँके जिल्ला अध्यक्ष एवम् संरक्षण परियोजनाका सामाजिक परिचालक दिनेश ठाकुरले बताए । कार्यक्रमको सहजीकरण माहुरी होमकी महासचिव अमृता अनमोलले गरेकी थिइन् ।

May be an image of 7 people and text

संरक्षण परियोजनाको उद्देश्य, हालसम्मको उपलब्धि तथा कार्य क्षेत्रबारे परियोजना संयोजक रिखिराम निगमले प्रस्तुतिकरण गरेका थिए । संरक्षण परियोजना पिबिआई नेपालको सहयोगमा सञ्चालित छ । माहुरी होम मधेशी, अल्पसंख्यक, सिमान्तकृत, दलित, महिला, मुस्लिम लगायतको मानव अधिकारको संरक्षण, संबद्र्धन र सम्मानमा काम गरिरहेको संस्था हो ।

प्रकाशित मिति: आइतबार, जेठ २५, २०८२ १२:५७