डुडुवाले पत्रकार महासंघ बाँकेमा सभा हल निर्माण गर्दै

समाचार

गृहपृष्ठ
समाचार
डुडुवाले पत्रकार महासंघ बाँकेमा सभा हल निर्माण गर्दै

डुडुवाले पत्रकार महासंघ बाँकेमा सभा हल निर्माण गर्दै

आइतबार, जेठ २५, २०८२ बागेश्वरी पोस्ट

डुडुवा (बाँके) । डुडुवा गाउँपालिकाले नेपाल पत्रकार महासंघ बाँके शाखामा सभा हल निर्माण गर्ने भएको छ । कार्यालयमा सभा हलको आवश्यकता महसुस गरेर बाँके शाखाले गरेको प्रस्ताब अनुसार गाउँपालिकाले सभा हल निर्माण गरिदिने भएको हो ।

गाउँपालिका अध्यक्ष नरेन्द्र कुमार चौधरीले नेपालगञ्ज–४ सञ्चारग्राम (बसपार्क) स्थित महासंघको कार्यालय भवनको प्राविधिकसहित निरीक्षण गरेका छन् । उपाध्यक्ष साहिदा बानो, प्रमुख प्रशासकीय अधिकृत अशोक कुमार पाण्डेय, इन्जिनियर सुरेन्द्र बर्मासहित महासंघ कार्यालय पुगेका अध्यक्ष चौधरीले महासंघको प्रस्ताब अनुसार सभा हल निर्माण गरिने बताए ।

May be an image of ‎3 people, people studying, hospital and ‎text that says '‎حم DE 금 पत्रकार महारंण् नेपाल बॉके * FNJ * रधीन सठीनगिरी निरी अधयक্‎'‎‎

उनले भवन निमार्णको बजेटसहितको स्टिमेट गरेर तत्काल काम सुरु गरिने बताए । अध्यक्ष चौधरीले महासंघ भनेको जिल्लाका सम्पूर्ण पत्रकारहरुको साझा घर भएकाले बैठक, छलफल लगायतका कार्यक्रम गर्न सहजताका लागि भवन (सभा हल) निर्माण गर्न लागेको बताए ।

May be an image of 3 people and text

नेपाल पत्रकार महासंघ बाँकेका अध्यक्ष नवीन गिरीले महासंघको प्रस्तावलाई स्वीकार गरेर डुडुवा गाउँपालिकाले सभा हल निर्माणमा सहयोग गर्ने भएपछि आफूहरु उत्साहित भएको बताए । गिरीले उक्त सभा हलको नाम ‘डुडुवा सभा हल’ राखिने बताए । आफ्नो नेतृत्वमा महासंघमा नयाँ टिम आएपछि डुडुवा गाउँपालिकाले निरन्तर सहयोग गरिरहेको भन्दै गिरीले स्थानीय सरकारसंगको विश्वास र सहकार्यलाई यसले मजबुत बनाउने बताए ।

डुडुवा गाउँपालिकाले यसअघि महासंघ बाँके शाखाले गत फागुनमा आयोजना गरेको सद्भाव वनभोज कार्यक्रममा पनि सहयोग गरेको थियो ।

निरीक्षणका क्रममा अध्यक्ष चौधरीले नेपाल पत्रकार महासंघ बाँके शाखा कार्यसमितिसंग छलफल पनि गरेका थिए । त्यसक्रममा शाखा अध्यक्ष गिरीले अध्यक्ष चौधरी, उपाध्यक्ष बानो र प्रमुख प्रशासकीय अधिकृतलाई महासंघले प्रकाशन गरेको २०८२ सालको भित्तेपात्रो पनि प्रदान गरेका थिए ।

May be an image of 4 people, people studying, hospital and text May be an image of 9 people May be an image of 4 people, dais and text