नेविसंघ नेता रावलले २८ बर्षमा २८ जनालाई गराए रक्तदान

समाचार

गृहपृष्ठ
समाचार
नेविसंघ नेता रावलले २८ बर्षमा २८ जनालाई गराए रक्तदान

नेविसंघ नेता रावलले २८ बर्षमा २८ जनालाई गराए रक्तदान

बिहीबार, जेठ २९, २०८२ बागेश्वरी पोस्ट

नेपालगञ्ज । नेपालगञ्जमा एक विद्यार्थी नेताले २८ बर्षको उमेरमा २८ जनालाई रक्तदान गर्न लगाएका छन् । नेविसंघका नेता सन्तोष रावल (आरएस) ले आज आफू २८ बर्ष उमेर पूरा भएको अवसरमा २८ जनालाई रक्तदान गराएका हुन् । यस्तै उनले भेरी अस्पतालको चार वटा वार्डमा फलफूल वितरण समेत गरेका छन् ।

"जन्मदिनमा केक काट्ने, होटलमा फजुल खर्च गर्नु भन्दा सामाजिक काम गरौं भन्ने भावनाबाट प्रेरित भएर यी काम गरेको हुँ," उनले भने-"आफ्नो साथी सर्कललाई पनि यसतर्फ प्रेरित गर्ने मेरो उद्देश्य हो ।" रावलले भेरी अस्पतालका सुत्केरी, डायलासिस, जेष्ठ नागरिक र सिकलसेल एनिमियाका ७० भन्दा बढी विरामीलाई शीघ्र स्वास्थ्य लाभको कामना गर्दै फलफूल वितरण गरेको बताए ।

प्रकाशित मिति: बिहीबार, जेठ २९, २०८२ २१:४६

प्रतिक्रिया दिनुहोस्