रोटरी क्लब अफ सेन्ट्रल बाँकेको छैठौं नेतृत्व हस्तान्तरण

समाचार

गृहपृष्ठ
समाचार
रोटरी क्लब अफ सेन्ट्रल बाँकेको छैठौं नेतृत्व हस्तान्तरण

रोटरी क्लब अफ सेन्ट्रल बाँकेको छैठौं नेतृत्व हस्तान्तरण

आइतबार, असार ८, २०८२ बागेश्वरी पोस्ट

नेपालगन्ज । रोटरी क्लब अफ सेन्ट्रल बाँकेको ६औं पदस्थापना कार्यक्रम सम्पन्न भएको छ । रोटरी क्लब अफ सेन्ट्रल बाँकेको वर्ष २०२४-२०२५ का अध्यक्ष डा. प्रचण्ड गौतमको कार्यकाल सकिएपछि वर्ष २०२५ -२०२६ को अध्यक्षमा गंगाराम चौलागाईंले पदभाहार ग्रहण गरेका हुन् ।

रोटरी क्लब अफ सेन्ट्रल बाँकेको अध्यक्ष (बर्ष २०२५–२६) मा चौलागाईं चयन भएका हुन् । क्लबमा इमिडेट पास्ट प्रेसिडेन्ट डा. गौतम, प्रेसिडेन्ट इलेक्ट ईश्वरी जंग मल्ल, प्रेसिडेन्ट नोमिनी बिमल कार्की र भाइस प्रेसिडेन्ट डा. नवीन बुढाथोकी चयन भएका छन् । कोषाध्यक्ष ईश्वरी जंग मल्ल, सचिव अशोक प्रसाद पोखरेल र निर्देशकहरुमा क्लव प्रशासन चेयरमा रिषभ अग्रवाल, सदस्यताको चेयरमा प्रकाश धमला चयन भएका छन् ।

यस्तै, सर्भिस प्रोजेक्ट चेयरमा किशोर कृष्ण भण्डारी, टिआरएफ चेयरमा डा. गोपाल सागर डिसी, पव्लिक ईमेज चियरमा बिधान न्यौपाने, अन्तर्राष्ट्रिय समन्वय चियरमा दुर्गा प्रसाद चौलागाईं र पव्लिक स्वास्थ्य समन्वय चियरमा डा. मन्जु शान शाह चयन भएका छन् ।

त्यसैगरी सल्लाहकारमा डा. कुमार शान शाह र बिश्व राम भण्डारी चयन भए ।
रोटरी इन्टरनेशनल डिस्ट्रिक ३२९२ नेपाल -भुटानको नियम अनुसार डा. गौतमले चौलागाईं र चौलागाईंले अन्य पदाधिकारीलाई पद तथा गोपनियताको शपथ गराएका थिए ।

उपाध्यक्ष डा. बुढाथोकीले बर्ष २०२५–२६ मा क्लव र पदाधिकारीलाई थप जोश-जाँगर र सफलता मिलोस् भन्दै शुभकामना दिए । सचिव कार्कीले सञ्चालन गरेको कार्यक्रममा रोटरी इन्टरनेशनल डिस्ट्रिक ३२९२ नेपाल-भुटानका स्टेवार्डसिप कमिटी समेतका रहेका सदस्य बिश्व राम भण्डारी, भूत पूर्व अध्यक्ष किशोर कृष्ण भण्डारी, चार्टड प्रेसिडेन्ट डा. कुमार शान शाहले क्लबले गरेको सामाजिक योगदानबारे चर्चा गरेका थिए । क्लब स्थापनाकालदेखि हालसम्मका गतिविधि र आगामी बर्षका कार्ययोजनामाथि प्रेसिडेन्ट इलेक्ट मल्लले प्रतिवेदन पेश गरेका थिए ।

रोटरी क्लब अफ सेन्ट्रल बाँके २०२५–२६ का अध्यक्ष चौलागाईँले आफू विगतदेखि नै सामाजिक क्षेत्रमा नै क्रियाशील भएको भन्दै रोटरीमार्फत हुने सामाजिक काममा सबैको साथ र सहयोगको अपेक्षा गरे ।

प्रकाशित मिति: आइतबार, असार ८, २०८२ ०९:३४

प्रतिक्रिया दिनुहोस्