बाँकेका बिभिन्न गाउँपालिकामा फरक प्रजातिका फलफूलका बिरुवा बितरण

समाचार

गृहपृष्ठ
समाचार
बाँकेका बिभिन्न गाउँपालिकामा फरक प्रजातिका फलफूलका बिरुवा बितरण

बाँकेका बिभिन्न गाउँपालिकामा फरक प्रजातिका फलफूलका बिरुवा बितरण

बुधबार, असार ११, २०८२ बागेश्वरी पोस्ट

नेपालगञ्ज । बाँकेका बिभिन्न गाउँपालिकामा फरक प्रजातिका फलफूलका बिरुवा बितरण गरिएको छ । कृषि वन तथा बृक्षारोपण कार्यक्रम अन्तर्गत पारिवारिक निजी वन संघ नेपाल जिल्ला शाखा बाँकेको आयोजना तथा डिभिजन वन कार्यालय नेपालगञ्जको सहयोगमा कार्यक्रम सम्पन्न भएको हो । खजुरा गाउँपालिका वडा नम्बर १ र जानकी गाउँपालिका वडा नम्बर २, ३, ४ र ६ मा गरी करीब ५० कृषकलाई आँप, लिच्ची, कटहर, अम्बा लगायत फलफूलका बिरुवा बितरण गरिएको पारिवारिक निजी वन संघ नेपाल जिल्ला शाखा बाँकेका अध्यक्ष सुनिल घिमिरेले जानकारी दिए ।

वितरण कार्यक्रम अन्तर्गत खजुरा गाउँपालिका वडा नम्बर १ मा रहेका पारिवारिक निजी वन किसान र जानकी गाउँपालिका वडा नम्बर २, ३, ४ र ६ का पारिवारिक निजी वन किसानहरुको उपस्थिति रहेको थियो । कार्यक्रममा जानकी गाउँपालिका वडा नम्बर ४ का वडा अध्यक्ष रमेश कुमार बर्माले किसानमुखी यस्ता कार्यक्रमले किसानको आयआर्जनमा वृद्धि तथा जलवायु र वातावरणमा समेत सहयोग पुग्ने बताए ।

कार्यक्रमलाई सहयोग गर्ने डिभिजन वन कार्यालय बाँकेका प्रमुख शंकर प्रसाद गुप्तालाई धन्यवाद दिँदै जानकी गाउँपालिका वडा नम्बर ६ का वडा अध्यक्ष जगदीश प्रसाद हरिजनले भावी दिनमा पनि यस्ता कार्यक्रमलाई निरन्तरता दिन अनुरोध गरे । उनले कार्यक्रमको आयोजना गर्ने पारिवारिक निजी वन संघ नेपाल जिल्ला शाखा बाँकेलाई समेत धन्यवाद व्यक्त गरे ।

जानकी गाउँपालिका वडा नम्बर ३ का वडा सदस्य हुसैनी यादव, पारिवारिक निजी वन संघ नेपाल जिल्ला शाखा बाँकेका पदाधिकारी, जनप्रतिनिधि, पारिवारिक निजी वन किसान तथा स्थानीयबासीको उपस्थिति रहेको कार्यक्रममा ५ हजार बिरुवा बितरण गरिएको थियो ।

प्रकाशित मिति: बुधबार, असार ११, २०८२ २१:३०

प्रतिक्रिया दिनुहोस्