लुम्बिनी प्राविधिक विश्वविद्यालयमा स्नातकोत्तर पढाई सुरु, विद्यार्थीलाई अभिमुखीकरण

समाचार

गृहपृष्ठ
समाचार
लुम्बिनी प्राविधिक विश्वविद्यालयमा स्नातकोत्तर पढाई सुरु, विद्यार्थीलाई अभिमुखीकरण

लुम्बिनी प्राविधिक विश्वविद्यालयमा स्नातकोत्तर पढाई सुरु, विद्यार्थीलाई अभिमुखीकरण

शनिबार, असार २८, २०८२ बागेश्वरी पोस्ट

नेपालगन्ज । नेपालगन्जस्थित लुम्बिनी प्राविधिक विश्वविद्यालयमा स्नातकोत्तर तहको पढाई सुरु भएको छ । विश्वविद्यालयले स्नातकोत्तर तहमा एम. टेक इन आइटी र एम. टेक इन कम्प्युटर साइन्सको पढाई सुरु गरेको हो । साउन ७ गतेदेखि कक्षा सुरु हुँदैछ । दुई वटा शैक्षिक कार्यक्रममा ३९ जना विद्यार्थी भर्ना भएको विश्वविद्यालयले जनाएको छ ।

लुम्बिनी प्राविधिक विश्वविद्यालयले आज जानकी-३ स्थित होटेल पौवामा यी दुई शैक्षिक कार्यक्रममा भर्ना भएका विद्यार्थीहरुका लागि अभिमुखीकरण कार्यक्रम आयोजना गरेको थियो । डिन डा. निरज केसीको अध्यक्षता एवम् उपकुलपति प्रा. डा. विनोद प्रसाद ढकालको प्रमुख आतिथ्यतामा अभिमुखीकरण कार्यक्रम सम्पन्न भएको हो । यी दुई शैक्षिक कार्यक्रम र शैक्षिक क्यालेन्डरबारे इन्चार्ज प्रकाश गुप्ताले जानकारी गराएको थिए ।

लुम्बिनी प्राविधिक विश्वविद्यालयका कुलसचिव रेगबहादुर भण्डारीले सूचना प्रविधिको क्षेत्रमा प्रतिष्पर्धात्मक जनशक्ति उत्पादन गर्ने लक्ष्यसहित स्नातकोत्तर तहको पढाई पनि सुरु गरेको बताउँँदै गुणस्तरीय, प्रविधिमैत्री र सामयिक शिक्षा प्रदान गर्न प्रतिबद्ध रहेको बताए ।

भण्डारीका अनुसार विश्वविद्यालयले स्नातक तहमा बि. टेक इन आइटी, बि. टेक इन कम्प्युटर साइन्स एण्ड एआई, बि. टेक इन आइटी इन्जिनियरिङ र बि. टेक इन बि. टेक इन सिभिल इन्जिनियरिङ गरी ४ वटा कार्यक्रम यसअघि नै संचालन गरिरहेको थियो । यी कार्यक्रममा १६५ जना विद्यार्थी अध्ययनरत छन् ।

अभिमुखीकरण कार्यक्रम प्राध्यापक प्रतिक चन्दले संचालन गरेका थिए ।

प्रकाशित मिति: शनिबार, असार २८, २०८२ २१:०८

प्रतिक्रिया दिनुहोस्