'वीपी तथा पुष्पलालको योगदान' विषयक परिचर्चा तथा अन्तरक्रिया कार्यक्रम

समाचार

गृहपृष्ठ
समाचार
'वीपी तथा पुष्पलालको योगदान' विषयक परिचर्चा तथा अन्तरक्रिया कार्यक्रम

'वीपी तथा पुष्पलालको योगदान' विषयक परिचर्चा तथा अन्तरक्रिया कार्यक्रम

शनिबार, साउन १०, २०८२ बागेश्वरी पोस्ट

नेपालगञ्ज । ४३औं वीपी स्मृति दिवस तथा ४८औं पुष्पलाल स्मृति दिवसको सन्दर्भमा आयोजित वीपी कोइराला तथा पुष्पलाल श्रेष्ठको योगदान विषयक परिचर्चा तथा अन्तरक्रिया कार्यक्रम आज नेपालगञ्जमा सम्पन्न भएको छ । शाश्वत आचार्य स्मृति प्रतिष्ठानको आयोजनामा कार्यक्रम सम्पन्न भएको हो ।

प्रतिष्ठानका अध्यक्ष प्राध्यापक डा. जनार्दन आचार्यको अध्यक्षतामा सम्पन्न कार्यक्रममा वीपी र पुष्पलालको योगदानको चर्चा गर्दै वर्तमान समयमा उनीहरुको विचारको सान्दर्भिकता र आवश्यकतामा जोड दिइएको छ । अहिलेका राजनीतिज्ञहरुले नेताद्वयको विचार र आदर्शलाई अनुशरण गर्नुपर्ने आवश्यकता औंल्याउँदै निष्ठा र इमानको राजनीति गर्नुपर्नेमा समेत जोड दिइएको छ । कार्यक्रममा प्रमुख बक्ताको रुपमा नेपाली कांग्रेस बाँकेका सचिव सुधांशु कोइराला, नेकपा एमाले बाँकेका निवर्तमान अध्यक्ष किष्मत कुमार कक्षपति, बरिष्ठ अधिबक्ता लोक बहादुर शाहले बोलेका थिए ।

प्राध्यापक डा. आचार्य र साहित्यकार एवम् पूर्व शिक्षक किरण आचार्यले आफ्नो छोरा स्वर्गीय शाश्वतको स्मृतिमा स्थापना गरेको शाश्वत प्रतिष्ठानले बर्षेनी विभिन्न कार्यक्रम गर्दै आएको छ ।

प्रकाशित मिति: शनिबार, साउन १०, २०८२ २०:३८

प्रतिक्रिया दिनुहोस्