प्रेस युनियन बाँकेले यस वर्ष पनि 'तीज विशेष कार्यक्रम' गर्ने

समाचार

गृहपृष्ठ
समाचार
प्रेस युनियन बाँकेले यस वर्ष पनि 'तीज विशेष कार्यक्रम' गर्ने

प्रेस युनियन बाँकेले यस वर्ष पनि 'तीज विशेष कार्यक्रम' गर्ने

शनिबार, साउन १७, २०८२ बागेश्वरी पोस्ट

नेपालगञ्ज । नेपाल प्रेस युनियन बाँकेले यस वर्ष पनि तीज विशेष लगायतका कार्यक्रम गर्ने निर्णय गरेको छ ।

प्रेस युनियन बाँके शाखाका अध्यक्ष प्रियास्मृति ढकालको अध्यक्षतामा आज बसेको बैठकले तीज विशेष लगायतका कार्यक्रम गर्ने निर्णयहरु गरेको हो ।

शाखाले बैठकबाट गरेको दुई वटा निर्णय अन्तर्गत विभिन्न कार्यक्रम आयोजना गरिने निर्णय भएको अध्यक्ष ढकालले जानकारी दिए । जस अन्तर्गत शाखाले यस वर्ष पनि हरितालिका तीज पर्वको अवसरमा तीज मिलन तथा लेखनवृत्ति प्रतियोगिता गर्ने भएको छ । उक्त कार्यक्रम भाद्र ६ गते शुक्रबार गर्ने तय गरेको छ । सो कार्यक्रमलाई भव्य बनाउनका लागि शाखाका उपाध्यक्ष निशा शाहको संयोजकत्वमा ६ सदस्यीय समिति गठन समेत गरेको छ । संयोजक शाहसंगै समिति सदस्यहरूमा लक्ष्मी गौडेल, सावित्री विश्वकर्मा, निर्मला चौधरी, आरती कटेल र सुविता थारु छन् ।

यस्तै लेखनवृत्ति प्रतियोगिता तथा तीज विशेषांङ्क युनियन बुलेटिनका लागि सचिव भिष्म लोधको संयोजकत्वमा ५ सदस्यीय समिति गठन गरेको छ । समिति सदस्यहरूमा खडक खत्री, सुकराम चिडिमार, अभिषेक गुप्ता र प्रेम सिंह एसके रहेका छन् । शाखाले तीजको मौलिकता र तीज सम्बन्धि महिला पत्रकारहरुद्वारा लेखिएका उत्कृष्ट लेख तथा फिचर स्टोरीलाई पुरष्कृत गर्नेछ । त्यसका लागि सहभागी हुने प्रतियोगीहरुले यही साउन महिनाको ३० गतेभित्र युनियनको इमेल ठेगाना [email protected] मा आफ्ना लेख तथा फिचर पठाइसक्नु पर्ने निर्णय गरिएको सचिव लोधले बताए । त्यस्तै युनियनका अग्रज निरज कुमार गौतमको संयोजकत्वमा ३ सदस्यीय लेखनबृत्ति प्रतियोगिता छनौट समिति पनि बनाइएको छ । उक्त समितिमा कमल खत्री र किरण आचार्य छन् ।

यसैगरी युनियन केन्द्रको निर्णय अनुसार सय दिने सदस्यता विशेष अभियान जिल्लाले पनि प्रारम्भ गरेको छ । यस अभियान अवधिमा नयाँ साधारण सदस्यका लागि सदस्यता खुल्ला गरिएको छ भने नवीकरणका लागि सबै सदस्यहरुलाई आग्रह गरिएको छ ।

May be an image of text