प्रेस युनियनले नयाँ पोस्चर पाएको छः अध्यक्ष लम्साल

समाचार

गृहपृष्ठ
समाचार
प्रेस युनियनले नयाँ पोस्चर पाएको छः अध्यक्ष लम्साल

प्रेस युनियनले नयाँ पोस्चर पाएको छः अध्यक्ष लम्साल

सोमबार, साउन १९, २०८२ बागेश्वरी पोस्ट

सुर्खेत । नेपाल प्रेस युनियनका अध्यक्ष शिव लम्सालले युनियनले नयाँ पोस्चर पाएको भन्दै संगठनलाई अझ सशक्त ढंगले अघि बढाउने बताएका छन् । सुर्खेत शाखाले आज विरेन्द्रनगरमा आयोजना गरेको सय दिने सदस्यता अभियानको शुभारम्भ कार्यक्रमलाई सम्बोधन गर्दै लम्सालले आफ्नो नेतृत्वको युनियनले केही फरक र नयाँ प्रकृतिको कार्यक्रम गरिरहेको स्मरण गराउँदै अब युनियनलाई व्यवसायिक पत्रकारहरुको मात्रै संगठन बनाउने गरी सदस्यता अभियान थालेको बताए । उनले क्रियाशील पत्रकारहरुको मात्रै नवीकरण गरिने स्पष्ट गर्दै त्यसै अनुसार काम गर्न जिल्ला शाखाहरुलाई निर्देशन दिए । नेपालको पत्रकारिता इतिहासमै युनियनले पहिलोपटक अन्तर्राष्ट्रिय लोमान्थाङ मिडिया समिट गरेको उल्लेख गरे ।

May be an image of 6 people and text

बरिष्ठ उपाध्यक्ष प्रेम केसीले पत्रकारहरुको अग्रणी र श्रममा दर्ता भएको तथा अन्तर्राष्ट्रिय मान्यता प्राप्त पहिलो संगठन भएको बताउँदै अब युनियनको शाखलाई अझ उज्यालो बनाउन युनियनलाई सञ्चार कर्म गर्नेहरुको मात्रै संगठन बनाउने गरी लाग्नका लागि सय दिने सदस्यता अभियान थालिएको बताए । कार्यक्रममा केन्द्रिय सदस्य कपिल कोइराला, लुम्बिनी प्रदेश महासचिव नवीन गिरीले शुभकामना मन्तब्य ब्यक्त गर्दै सदस्यता अभियानलाई सार्थक बनाउन गम्भीर ढंगले लाग्नुपर्नेमा जोड दिए । यसले संगठनलाई अझ सशक्त र सुदृढ बनाउने उनीहरुको धारणा थियो ।

कार्यक्रम शाखा अध्यक्ष मधुवन विसीको अध्यक्षतामा सम्पन्न भएको थियो । कार्यक्रममा उपमहासचिव कमल पन्त, कर्णाली प्रदेश अध्यक्ष नरेश सिंह थापा लगायतको उपस्थिति थियो । कार्यक्रम सञ्चालन सचिव रमेश कुमार पाण्डेले गरेका थिए । केन्द्रबाट जारी परिपत्र अनुसार अभियान सञ्चालन गर्ने जिल्लाहरू मध्ये सुर्खेत देशभर काठमाडौंपछि दोस्रो जिल्ला भएको छ ।

May be an image of 10 people, people studying and table May be an image of 11 people and motorcycle