गुरदास फुटवयर इण्डष्ट्रिजलाई दुई लाख जरिवाना

समाचार

गृहपृष्ठ
समाचार
गुरदास फुटवयर इण्डष्ट्रिजलाई दुई लाख जरिवाना

गुरदास फुटवयर इण्डष्ट्रिजलाई दुई लाख जरिवाना

आइतबार, साउन २५, २०८२ बागेश्वरी पोस्ट

नेपालगन्ज । बाँकेको नेपालगन्ज उपमहानगरपालिका-२० मनिकापुरस्थित गुरदास फुटवयर इण्डष्ट्रिजलाई दुई लाख रुपैयाँ जरिवाना गरिएको छ । अनुगमनका क्रममा आज उक्त इण्डष्ट्रिजलाई दुई लाख रुपैयाँ जरिवाना गरिएको बाणिज्य, आपूर्ति तथा उपभोक्ता संरक्षण कार्यालय बाँकेका प्रमुख हरि बहादुर खत्रीले जानकारी दिए ।

उत्पादित जुत्ता चप्पलमा कारखाना मूल्य अर्थात एमआरपी उल्लेख नगरी बजारमा विक्री वितरण गरेको देखिएपछि जरिवाना गरिएको खत्रीले बताए । गुरदास फुटवयरलाई उपभोक्ता संरक्षण ऐन, २०७५ को दफा ३८ को खण्ड ड (क) बमोजिमको कसुर गरेको देखिएकोले सोही ऐनको दफा ३९ को उपदफा (१) को खण्ड 'ख' बमोजिम दुई लाख रुपैयाँ जरिवाना गरिएको हो ।

प्रकाशित मिति: आइतबार, साउन २५, २०८२ १६:५६

प्रतिक्रिया दिनुहोस्