क्रियाशील पत्रकारलाई मात्रै सदस्य बनाउन प्रेस युनियनका वरिष्ठ उपाध्यक्ष केसीको निर्देशन

समाचार

गृहपृष्ठ
समाचार
क्रियाशील पत्रकारलाई मात्रै सदस्य बनाउन प्रेस युनियनका वरिष्ठ उपाध्यक्ष केसीको निर्देशन

क्रियाशील पत्रकारलाई मात्रै सदस्य बनाउन प्रेस युनियनका वरिष्ठ उपाध्यक्ष केसीको निर्देशन

शुक्रबार, भदौ १३, २०८२ बागेश्वरी पोस्ट

नेपालगञ्ज । नेपाल प्रेस युनियनका वरिष्ठ केन्द्रीय उपाध्यक्ष प्रेम केसीले प्रेस युनियन क्रियाशील पत्रकारहरुको संगठनका रुपमा परिचित रहेकाले व्यवसायिक र क्रियाशील पत्रकारहरुलाई मात्रै सदस्य बनाउन निर्देशन दिएका छन् । नेपाल प्रेस युनियन बाँके शाखाले केन्द्रीय कार्यक्रम अन्तर्गत सुरु गरेको सय दिने अभियानको आज नेपालगञ्जमा शुभारम्भ गर्दै वरिष्ठ उपाध्यक्ष केसीले युनियनलाई भर्ति केन्द्र नबनाउन निर्देशन दिएका हुन् । 'सञ्चार क्षेत्रमा काम गर्ने र पत्रकारकै पहिचान बनाएकाहरुलाई सदस्यता दिने सवालमा पूर्वाग्रही नहुनुहोस्,' उनले भने–‘तर आफ्नो स्वार्थ सिद्धका लागि सदस्य बन्नेहरुलाई रोक्नुहोस्, त्यस्ता सदस्यहरुको नवीकरण समेत नगरे पनि हुन्छ ।’

May be an image of 5 people, people smiling and text

नेपाल प्रेस युनियन लुम्बिनी प्रदेशका महासचिव नवीन गिरीले प्रेस युनियन अरु संगठन भन्दा पुरानो र अग्रणी संगठन भएकाले यसमा आवद्ध हुनेहरु पनि पत्रकार भएकै हुनुपर्ने बताए । उनले शुद्धिकरण अभियानलाई प्रभावकारी गराउन पनि निर्देशन दिए । 'गत वर्षबाटै हामीले बाँकेमा शुद्धिकरण अभियान सुरु गरिसकेका छौं,' उनले भने,–‘शुद्धिकरणलाई बदनाम गर्ने प्रयास गरियो । तर, मर्यादित पत्रकारिताका लागि शुद्धिकरण आवश्यक छ ।’ नेपाल पत्रकार महासंघ लुम्बिनी प्रदेशका अध्यक्ष शुक्रऋषि चौलागाईलेले युनियनको सदस्यता अभियानले संगठनप्रति आस्था राख्नेहरुलाई उत्साहित गर्ने बताए ।

May be an image of 5 people, people studying and text

प्रेस युनियन बाँकेका अध्यक्ष प्रियास्मृति ढकालको अध्यक्षतामा भएको कार्यक्रममा प्रेस युनियन लुम्बिनी प्रदेश सदस्य गौरव गिरी, बाँके शाखाका निवर्तमान अध्यक्ष अर्जुन वली, अग्रज नेता निरज कुमार गौतम लगायतको उपस्थिति रहेको थियो । सचिव भिष्म लोधले सञ्चालन गरेको उक्त कार्यक्रममा स्वागत मन्तब्य भने उपाध्यक्ष कमल खत्रीले गरेका थिए ।

May be an image of 12 people, hospital and text May be an image of 5 people, people smiling and text