नम्बर नखुलेको सवारी साधनको ठक्करबाट बालकको मृत्यु

समाचार

गृहपृष्ठ
समाचार
नम्बर नखुलेको सवारी साधनको ठक्करबाट बालकको मृत्यु

नम्बर नखुलेको सवारी साधनको ठक्करबाट बालकको मृत्यु

आइतबार, भदौ १५, २०८२ बागेश्वरी पोस्ट

नेपालगन्ज । बाँकेमा नम्बर नखुलेको सवारी साधनको ठक्करबाट एक बालकको मृत्यु भएको छ । जानकी गाउँपालिका-४ नहर चोकमा नम्बर नखुलेको सवारी साधनले ठक्कर दिँदा ९ वर्षीय बालकको मृत्यु भएको जिल्ला प्रहरी कार्यालय बाँकेले जानकारी दिएको छ ।

जिल्ला प्रहरी कार्यालय बाँकेका अनुसार गएराति स्थानीय शुभ प्रसाद सोनीको ९ वर्षीय छोरा सुमर कुमार सोनीलाई नम्बर नखुलेको सवारी साधनले ठक्कर दिएको थियो ।

गम्भीर घाइते भएका सुमरको संजिवनी कलेज अफ मेडिकल साइन्सेज नेपालगन्जमा उपचारको क्रममा गएराति नै मृत्यु भएको जिल्ला प्रहरी कार्यालय बाँकेले जनाएको छ ।

ठक्कर दिने नम्बर नखुलेको सवारी साधन र चालकको खोजी कार्य तीब्र पारेको बाँके प्रहरीले जानकारी दिएको छ ।

प्रकाशित मिति: आइतबार, भदौ १५, २०८२ १४:२२

प्रतिक्रिया दिनुहोस्