पूर्व प्रहरी संगठन बाँकेद्वारा नेपालगञ्ज उपमहानगरलाई दुई वटा स्टील दराज सहयोग

समाचार

गृहपृष्ठ
समाचार
पूर्व प्रहरी संगठन बाँकेद्वारा नेपालगञ्ज उपमहानगरलाई दुई वटा स्टील दराज सहयोग

पूर्व प्रहरी संगठन बाँकेद्वारा नेपालगञ्ज उपमहानगरलाई दुई वटा स्टील दराज सहयोग

आइतबार, असोज ५, २०८२ बागेश्वरी पोस्ट

नेपालगञ्ज । नेपाल पूर्व प्रहरी संगठन बाँकेले नेपालगञ्ज उपमहानगरपालिकालाई स्टील दराज सहयोग गरेको छ । संगठनले आज कार्यालय परिसरमा नगर प्रमुख प्रशान्त विष्टलाई दुई थान स्टीलको दराज सहयोग गरेको हो । संगठनका अध्यक्ष पूर्व प्रहरी निरीक्षक गंगा बहादुर अधिकारीले सहयोग हस्तान्तरण गरे ।

जेनजी आन्दोलनका क्रमका अराजक समूहद्वारा आगजनी गरिएपछि बाहिरै बसेर सामान्य सेवा प्रवाह गरिरहेको नेपालगञ्ज उपमहानगरपालिकालाई काममा सहजताका लागि सामाजिक उत्तरदायित्व बहन गर्दै संगठनको तर्फबाट सहयोग गरिएको प्रबक्ता अरुण सिंहले बताए । उनले आफूहरुले दशैंको अवसरमा आयोजना गरेको बडाभोजको कार्यक्रम रद्द गरेर त्यही पैसाबाट नेपालगञ्ज उपमहानगरपालिका र अन्य दुई कार्यालयलाई राहत स्वरुप दराज सहयोग गर्ने निर्णय गरेको बताए ।

त्यसक्रममा बोल्दै नगर प्रमुख विष्टले संकटको बेला हुने यस किसिमको सहयोगले निकट भविष्यमा नगरबासीको चाहना बमोजिम सेवा प्रवाह गर्न सहज हुने भन्दै पूर्व प्रहरी संगठनलाई धन्यवाद दिए । त्यस अवसरमा नेपालगञ्ज उपमहानगरपालिकाका प्रमुख प्रशासकीय अधिकृत रामहरि शर्मा, कार्यपालिका सदस्य बसन्त कनोजिया, पूर्व प्रहरी संगठनका केन्द्रिय सदस्य पूर्व प्रहरी निरीक्षक धर्मराज सुनार, बाँकेका उपाध्यक्ष पूर्व डिएसपी शशिधर अधिकारी लगायत पदाधिकारीहरुको उपस्थिति थियो ।

प्रकाशित मिति: आइतबार, असोज ५, २०८२ २०:५५

प्रतिक्रिया दिनुहोस्