बौद्धिक बर्गले समाजमा यथार्थता प्रसार गर्न इमान्दारिता देखाउनुपर्नेमा जोड

समाचार

गृहपृष्ठ
समाचार
बौद्धिक बर्गले समाजमा यथार्थता प्रसार गर्न इमान्दारिता देखाउनुपर्नेमा जोड

बौद्धिक बर्गले समाजमा यथार्थता प्रसार गर्न इमान्दारिता देखाउनुपर्नेमा जोड

आइतबार, असोज ५, २०८२ बागेश्वरी पोस्ट

नेपालगञ्ज । बौद्धिक बर्गले समाजमा यथार्थता प्रसार गर्न इमान्दारिता देखाउनुपर्नेमा जोड दिइएको छ । प्रगतिशील लेखक संघ बाँकेले ७४औं स्थापना दिवसको अवसरमा आज नेपालगञ्जमा आयोजना गरेको 'वर्तमान राजनीतिक परिप्रेक्ष्यमा लेखक तथा बौद्धिक बर्गको भूमिका' विषयक विचार गोष्ठी एवम् 'जेनजी आन्दोलनका सहिदहरुप्रतिको श्रद्धाञ्जली कार्यक्रम' मा बोल्ने बक्ताहरुले लेखक तथा बौद्धिक बर्गले मुलुकको आवश्यकता र जनभावना मुखरित गर्न हिच्किचाउन नहुनेमा जोड दिए ।

नव-युवा पुस्ताको भावनालाई बुझ्न नसक्दा मुलुकमा ठूलो उथलपुथल भएको भन्दै अब यसको सही ब्यवस्थापनका लागि दबाब बढाउन बौद्धिक बर्गले भूमिका खेल्नुपर्नेमा जोड दिइएको छ । प्रगतिशील लेखक संघ बाँकेका अध्यक्ष चरित्रा शाहको अध्यक्षता एवम् केन्द्रीय सचिव हरि प्रसाद तिमिल्सिनाको प्रमुख आतिथ्यतामा सम्पन्न कार्यक्रममा प्राज्ञ सनत रेग्मी, मध्यपश्चिम विश्वविद्यालयका उपप्राध्यापक तोया नाथ पहाडी, राजनीतिक विश्लेषक नरेन्द्रजंग पिटर, नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाई र शिक्षाविद् जित बहादुर शाह बक्ताका रुपमा थिए भने प्रगतिशील लेखक संघकी सचिवालय सदस्य कल्पना पौडेल 'जिज्ञासु', लुम्बिनी प्राविधिक विश्वविद्यालयका प्रा. डा. कृष्ण प्रसाद घिमिरे, नेपाल पत्रकार महासंघ बाँकेका अध्यक्ष नवीन गिरी लगायतले बोलेका थिए ।

प्रगतिशील लेखक संघ बाँकेका उपाध्यक्ष सुन्दर गुरुंगले स्वागत मन्तब्य ब्यक्त गरेको कार्यक्रमको सञ्चालन सचिव इन्दिरा गौतमले गरेकी थिइन् । त्यसक्रममा जेनजी आन्दोलनमा सहादत प्राप्त गर्ने बाँकको दुई युवा सुलभराज श्रेष्ठ र आयुष थापासंगै सबै सहिदहरुप्रति भावपूर्ण श्रद्धाञ्जली अर्पण गरिएको थियो ।

May be an image of 9 people, dais and text May be an image of 12 people, people studying, temple and text