नेपालगञ्जमा बढ्दै छठको रौनक, बागेश्वरी तलाउबाट अस्ताउँदो सूर्यलाई अर्घ्य (फोटोफिचर)

समाचार

गृहपृष्ठ
समाचार
नेपालगञ्जमा बढ्दै छठको रौनक, बागेश्वरी तलाउबाट अस्ताउँदो सूर्यलाई अर्घ्य (फोटोफिचर)

नेपालगञ्जमा बढ्दै छठको रौनक, बागेश्वरी तलाउबाट अस्ताउँदो सूर्यलाई अर्घ्य (फोटोफिचर)

सोमबार, कात्तिक १०, २०८२ बागेश्वरी पोस्ट

नेपालगञ्ज । छठ पर्वको मुख्य दिन नेपालगञ्जको बागेश्वरी मन्दिर परिसरस्थित तलाउमा आज साँझ अस्ताउँदो सूर्यलाई अर्घ्य दिइएको छ । ठूलो संख्यामा उपस्थित ब्रतालुहरुले अस्ताउँदो सूर्यलाई अर्घ्य दिएका हुन् ।

सूर्यको उपासना गर्दै मनाइने आस्थाको पवित्र पर्व छठ मनाउन बागेश्वरी मन्दिर परिसरभित्रको तलाउलाई यस वर्ष पनि 'छठीघाट' का रुपमा झकिझकाउ बनाइएको छ । हरेक वर्ष पूजा गर्नेको संख्या बढ्दै जाँदा नेपालगञ्जमा छठ पर्वको रौनक बढ्दै गएको छ । छठ पर्वमा पूजा गर्नेहरु बढ्दा केही वर्षयता बागेश्वरी मन्दिर परिसरमा रहेको तलाउमा भक्तजनको भीड लाग्ने गर्दछ । तलाउ क्षेत्रमा यस वर्ष पनि टेण्ट सजावट, विजुली बत्तीको सजावट, बाजागाजा, साँस्कृतिक भजन मञ्चको व्यवस्थापन, घाटको सरसफाई गरिएको छ । भोलि मंगलबार विहान उदाउँदो सूर्यलाई अर्घ्य दिएपछि छठ समापन हुन्छ ।

पहिला पूर्वी तराईका बासिन्दाले धुमधामले मनाउने छठको रौनक पश्चिममा पनि बढेको छ । चार दिनसम्म मुख्य विधि गरी मनाइने छठ पर्वको पहिलो दिन व्रतालुहरुले नुहाएर चोखो एवं अरबा अरबाइन खाने, दोस्रो दिन प्रसादको रुपमा खिर ग्रहण गरी खरना गर्ने, तेस्रो दिन अस्ताउँदो सूर्य र चौथो दिन विहान उदाउँदो सूर्यलाई अर्घ्य दिएपछि छठ समापन हुने गर्दछ ।

(फोटोफिचर)

May be an image of one or more people, lighting, temple and crowd May be an image of crowd May be an image of temple and twilight No photo description available.