जिल्ला प्रशासन कार्यालय बाँकेमा राहदानी सेवा सुचारु

समाचार

गृहपृष्ठ
समाचार
जिल्ला प्रशासन कार्यालय बाँकेमा राहदानी सेवा सुचारु

जिल्ला प्रशासन कार्यालय बाँकेमा राहदानी सेवा सुचारु

बिहीबार, कात्तिक २०, २०८२ बागेश्वरी पोस्ट

नेपालगञ्ज । जिल्ला प्रशासन कार्यालय बाँकेमा आजदेखि राहदानी सेवा सुचारु भएको छ । गत भदौ २३ र २४ गते भएको जेनजी प्रदर्शनका क्रममा कार्यालय भवन, मेशिनरी उपकरण र कागजातहरुमा भएको क्षतिका कारण अबरुद्ध रहेको राहदानी सम्बन्धि सेवा अबरुद्ध भएको थियो ।

कार्यालय आगजनीपछि अबरुद्ध रहेको राहदानी सम्बन्धि सेवा झण्डै दुई महिनापछि सुचारु गरिएको प्रमुख जिल्ला अधिकारी दिल कुमार तामाङले बताए । तामाङका अनुसार नागरिकता र राष्ट्रिय परिचयपत्रको काम भने यसअघि नै आंशिक रुपमा भइरहेको छ ।

जेनजी आन्दोलनका क्रममा भदौ २४ गते आगजनी गरिएपछि जिल्ला प्रशासन कार्यालय बाँके जलेर क्षतिग्रस्त भएको थियो । अब भवन मर्मत-सम्भार द्रुत गतिमा अगाडि बढाएर पुरानै अवस्थामा फर्काउने प्रयास गर्ने प्रमुख जिल्ला अधिकारी तामाङले बताए ।

प्रकाशित मिति: बिहीबार, कात्तिक २०, २०८२ २०:५२

प्रतिक्रिया दिनुहोस्