'बालबालिका राष्ट्रिय गौरब हुन्' अवधारणामाथि छलफल

समाचार

गृहपृष्ठ
समाचार
'बालबालिका राष्ट्रिय गौरब हुन्' अवधारणामाथि छलफल

'बालबालिका राष्ट्रिय गौरब हुन्' अवधारणामाथि छलफल

आइतबार, कात्तिक २३, २०८२ बागेश्वरी पोस्ट

नेपालगञ्ज । नेपालगञ्जमा 'बालबालिका राष्ट्रिय गौरब हुन्' भन्ने अवधारणाका विषयमा छलफल गरिएको छ । सिविन नेपालगञ्जको आयोजनामा आइतबार सरोकारवालाबीच छलफल गरिएको हो । लेखक तथा परिकल्पनाकार गौरी प्रधानले प्रस्तुत गरेको उक्त अबधारणाका विषयमा सरोकारवालीहरुबीच छलफल गरिएको सिविन नेपालका नेपालगञ्ज प्रमुख शिद्ध राज पनेरुले जानकारी दिए ।

पनेरुले नै उक्त अवधारणापत्रका बारेमा जानकारी गराएका थिए । कार्यक्रममा सहभागी सरोकारवालाले बालबालिका नै भविष्यका कर्णधार र देश विकास एवम् समृद्धिको आधारशिला भएकाले राज्यले बालबालिकामाथि लगानी गर्नुपर्नेमा जोड दिए । राष्ट्रिय गौरब भनिएका कैयौं आयोजनामा गरिएको लगानी बालुवामा पानी हाले सरह भएको टिप्पणी गर्दै सरोकारवालाले बालबालिकामाथिको लगानी राज्यको हितमा हुने बताए ।

यसैबीच 'बालबालिका राष्ट्रिय गौरब हुन्' सञ्जाल नेपालगञ्ज गठन गरिएको छ । सञ्जालको संयोजकमा कृष्ण मुरारी भट्ट तथा सदस्यहरुमा विश्वजित तिवारी (अधिबक्त), परिना चौधरी (पश्चिम तारा, एलजिबिटिआइक्यु), बिश्वराज पछल्डंग्या (पत्रकार), अर्मिला रोकाय ( स्याक नेपाल), सालिया हासमी (बाल क्लब सञ्जाल) र सदस्य सचिव शिद्ध राज पनेरु (सिविन नेपाल) रहेका छन् ।

प्रकाशित मिति: आइतबार, कात्तिक २३, २०८२ १९:१४

प्रतिक्रिया दिनुहोस्