'मदिरा र लागूपदार्थको हानिकारक प्रयोग नियन्त्रणमा सबैको सहयोग जरुरी'

समाचार

गृहपृष्ठ
समाचार
'मदिरा र लागूपदार्थको हानिकारक प्रयोग नियन्त्रणमा सबैको सहयोग जरुरी'

'मदिरा र लागूपदार्थको हानिकारक प्रयोग नियन्त्रणमा सबैको सहयोग जरुरी'

बाँके एडिडि नेटवर्क गठन

सोमबार, कात्तिक २४, २०८२ बागेश्वरी पोस्ट

नेपालगञ्ज । मदिरा र लागूपदार्थको हानिकारक प्रयोग नियन्त्रणमा सबैको सहयोग जरुरी रहेको सम्वद्ध सरोकारवालाहरुले औंल्याएका छन् । सिविन नेपालको आयोजनामा आज नेपालगञ्जमा आयोजित 'मदिरा र लागूपदार्थको प्रयोगः एक विकासको मुद्दा' विषयक अन्तरक्रियामा सम्वद्ध सरोकारवाला निकायले मदिरा र लागूपदार्थ शारीरिक र सामाजिक दुवै दृष्टिकोणबाट प्रतिउत्पादक भएकाले यसको रोकथाम र नियन्त्रणका लागि सबैको सहयोग जरुरी रहेकोमा सरोकारवालाहरु एक मत रहेको सिविनका नेपालगञ्ज प्रमुख शिद्ध राज पनेरुले बताए ।

मदिरा विक्रि, प्रयोग, विज्ञापन आदि नियमनका लागि विद्यमान कानून तथा नीतिहरूको कार्यान्वयनका गर्न स्थानीय तह तथा प्रदेश सरकारको समेत भूमिका खोजिएको उक्त अन्तरक्रियामा बोल्दै सरोकारवालाहरुले भएका कानूनहरुको कार्यान्वयन र आवश्यक नीति तथा कानूनहरुको व्यवस्था गरिनुपर्नेमा जोड दिए । पनेरुले कार्यपत्र प्रस्तुत गर्दै भने, 'मदिराको हानिकारक प्रयोगलाई नियन्त्रण गर्ने कार्यमा सरकारी निकाय, संयन्त्र, नागरिक समाज र सरोकारवालावीचको समन्वय र सहकार्य प्रवर्द्धनका निम्ति सघन छलफल आवश्यक रहेको छ ।' कार्यक्रममा मानव अधिकारकर्मी, अधिवक्ता, सञ्चारकर्मी तथा दुव्र्यसन विरुद्ध आवद्ध संघसंस्थाहरु सहभागी थिए ।

यसैबीच मदिरा र लागूऔषध विरुद्धको अभियानलाई प्रभावकारी बनाउन बाँके एडिडि (अल्कोहल ड्रग्स डेभलपमेन्ट) नेटवर्क गठन गरिएको छ । अधिबक्ता विश्वजित तिवारी संयोजक रहेको नेटवर्कको सदस्यहरुमा सकुन रिजाल (दमयन्ती फाउण्डृेशन), दिपक राज श्रेष्ठ (प्रयास नेपाल), गणेश बिक (पत्रकार), प्रबिण बिसी (रिकभरि नेपाल), मञ्जु पचगैयाँ (मानव सेवा महिला सुधार गृह), सपना थापा (माया दृष्टि महिला सुधार गृह), दिपेन्द्र खड्का (चेन्ज टिम) तथा सदस्य सचिवमा शिद्ध राज पनेरु (सिविन नेपाल) रहेका छन् ।

प्रकाशित मिति: सोमबार, कात्तिक २४, २०८२ १८:३२

प्रतिक्रिया दिनुहोस्