जेलबाट छुटेर आएकै दिन श्रीमानले गरे श्रीमतीको हत्या

सुरक्षा-अपराध

गृहपृष्ठ
सुरक्षा-अपराध
जेलबाट छुटेर आएकै दिन श्रीमानले गरे श्रीमतीको हत्या

जेलबाट छुटेर आएकै दिन श्रीमानले गरे श्रीमतीको हत्या

मंगलबार, कात्तिक २५, २०८२ बागेश्वरी पोस्ट

नेपालगन्ज । जेलबाट छुटेकै दिन श्रीमानले श्रीमतीको हत्या गरेका छन् । पर्वतको मोदी गाउँपालिका-६ दराकका ५१ वर्षीय जीतबहादुर विकले जेलबाट छुटेकै दिन गएराति ५२ वर्षीया श्रीमती सीता विकको हत्या गरेको प्रहरीले जानकारी दिएको छ ।

जीतबहादुर जेलबाट छुटेर घर आएपछि श्रीमती सीतालाई कुटपिट गरी गम्भीर घाइते बनाएको पर्वत प्रहरीले जनाएको छ । कुटपिटबाट बेहोस अवस्थामा रहेकी सीतालाई प्रहरीले उद्धार गरी गएराति नै प्रदेश अस्पतालमा पुर्‍याउँदा चिकित्सकले मृत घोषणा गरेका थिए । मृतक सीताको टाउको र अनुहारमा चोट लागेको प्रहरीले जानकारी दिएको छ ।

अभियुक्त जीतबहादुर वैवाहिक जबर्जस्ती करणीको अभियोगमा कैद भुक्तान गरी सोमबार नै श्रीमतीले धरौटी तिरेपछि छुटेका थिए । प्रहरीका अनुसार, घर पुगेकै दिन साँझ खाना खाइसकेपछि उनले श्रीमतीमाथि जाइलागेका थिए ।

कुटपिटको घटनापछि घरमै रहेकी सीताकी बुहारी शोभा विकले प्रहरी चौकी देउपुरमा खबर गरेकी थिइन् । देउपुर प्रहरी चौकी र जिल्ला प्रहरी कार्यालयको टोलीले घटनास्थल पुगेर स्थानीयले नियन्त्रणमा लिएर थुनेर राखेका अभियुक्त जीतबहादुरलाई पक्राउ गरेको प्रहरी निरीक्षक सुदीप भण्डारीले जानकारी दिए ।

उनका तीन छोरा रोजगारीका लागि विदेशमा छन् भने घरमा बुहारीसहित चार जना बस्दै आएका थिए । पर्वत प्रहरीले घटना बारेमा थप अनुसन्धान भइरहेको जानकारी दिएको छ ।

प्रकाशित मिति: मंगलबार, कात्तिक २५, २०८२ ११:३४

प्रतिक्रिया दिनुहोस्