डब्लुडब्लुजेको १८औं बार्षिकोत्सबः नेपालगञ्जमा भब्य कार्यक्रम

समाचार

गृहपृष्ठ
समाचार
डब्लुडब्लुजेको १८औं बार्षिकोत्सबः नेपालगञ्जमा भब्य कार्यक्रम

डब्लुडब्लुजेको १८औं बार्षिकोत्सबः नेपालगञ्जमा भब्य कार्यक्रम

शनिबार, कात्तिक २९, २०८२ बागेश्वरी पोस्ट

नेपालगञ्ज । क्रियाशिल पत्रकार महिला (डब्लुडब्लुजे) को १८औं वार्षिकोत्सव डब्लुडब्लुजे बाँकेले भब्यरुपमा मनाएको छ । नेपालगञ्जमा आज आयोजित बार्षिकोत्सवको अवसरमा क्रियाशिल पत्रकार महिला बाँकेले संस्थापक अध्यक्ष अछरी पोखरेल र एक्टिंग स्टारकी विजेता नेपालगञ्ज निवासी कलाकार नविना रानाभाटलाई सम्मान गर्नुका साथै 'उदाउँदो पत्रकार पुरस्कार' बाट सन्ध्या गैरेलाई नगदसहित पुरस्कृत गरेको छ ।

May be an image of one or more people, temple and text that says 'गस्य प्रार हामी लेख्छो, ल्छो र बदल्छा क्रियाशिल पत्रकार महिलाको १८ वार्षिकोत्समूव विशेप समारोह আাদ वाज: का बिमोचन, पत्रकार নানे नथा स कार्यक्रम् আ হकाति काति Seesnde आय'

डब्लुडब्लुजे बाँकेले वार्षिकोत्सवको अवसरमा प्रकाशन गरेको 'हाम्रो आवाज' नामक स्मारिका पनि सार्वजनिक गरिएको थियो । कार्यक्रमकी प्रमुख अतिथि क्रियाशिल पत्रकार महिलाका केन्द्रीय अध्यक्ष रामकला खड्काले स्मारिका बिमोचन गरेकी थिइन् ।

May be an image of dais and text

बाँके अध्यक्ष सावित्री गिरीको अध्यक्षतामा सम्पन्न कार्यक्रममा प्रमुख अतिथि खड्का, डब्लुडब्लुजे लुम्बिनी प्रदेश अध्यक्ष लिला शाह, बाँकेकी संस्थापक अध्यक्ष अछरी पोखरेल, नेपाल पत्रकार महासंघ बाँकेका अध्यक्ष नवीन गिरी, नेपालगञ्ज उपमहानगरपालिका महिला शाखा प्रमुख पवित्रा पुरीले शुभकामना मन्तब्य ब्यक्त गरेका थिए । यसैगरी नेपाल पत्रकार महासंघ बाँकेकी उपाध्यक्ष करुणा शाह, पत्रकार महासंघ बाँकेका पूर्व अध्यक्षद्वय निरज गौतम र झलक गैरे, प्रेस युनियन बाँकेका उपाध्यक्ष कमल खत्री, समाजवादी प्रेस संगठन बाँकेका अध्यक्ष लोकनाथ शर्मा, सञ्चारिका समूहकी लुम्बिनी प्रदेश उपाध्यक्ष रुपा गहतराज, सञ्चारिका समूह बाँकेकी अध्यक्ष पवित्रा परियार, अग्रज पत्रकार शंकर प्रसाद खनाल, नागरिक समाज बाँकेका संयोजक कृष्ण प्रसाद श्रेष्ठ, महिला उद्यमी तारा रोकाय लगायतले शुभकामना दिएका थिए ।

सचिव निशु जोशीले सञ्चालन गरेको कार्यक्रममा स्वागत उपाध्यक्ष विमला चौधरीले गरेकी थिइन् । त्यसक्रममा 'केक' समेत काटिएको थियो । औपचारिक कार्यक्रम पश्चात पत्रकार महिलाहरुले भेला पनि गरेर गहन छलफल छन् । भेलाले १० बुँदे घोषणापत्र जारी गरेको छ । घोषणापत्रमा पत्रकार महिलाको पेशागत हकहितका लागि सक्रियता बढाउने, क्षमता विकासका कार्यक्रम र प्रविधिवारे जानकारी गराउने, मिडियालाई लैंगिकमैत्री बनाउनका लागि सञ्चार संस्थालाई लैंगिक निर्देशिका जारी गर्नका लागि खबरदारी गर्ने उल्लेख छ ।

त्यसैगरी मिडिया हाउसहरुमा पत्रकार महिलाहरुको नेतृत्व बढाउनका लागि पहल गर्ने, कार्यस्थलमा हुने यौनजन्य हिंसा तथा दुव्र्यवहारविरुद्धका सचेतनामूलक कार्यक्रम सञ्चालन गर्ने, महिला पत्रकारका लागि डिजिटल सुरक्षा तालिम, अनलाइन दुव्र्यवहार प्रणालीमा र तथ्य जाँचमा जोड दिने, पत्रकार महिलाका लागि खोज पत्रकारिता तालिम, फेलोसिप र लेखनवृत्तिको अवसर प्रदान गर्ने र बाँकेमा कार्यरत पत्रकार महिलाहरुको अवस्था, चुनौती र अवसरका विषयमा अध्ययन तथा अनुसन्धान गर्ने घोषणापत्रमा उल्लेख छ ।