नेपालगञ्जमा मानव अधिकार दिवस र मानव अधिकार रक्षक दिवस धुमधामका साथ मनाइने

समाचार

गृहपृष्ठ
समाचार
नेपालगञ्जमा मानव अधिकार दिवस र मानव अधिकार रक्षक दिवस धुमधामका साथ मनाइने

नेपालगञ्जमा मानव अधिकार दिवस र मानव अधिकार रक्षक दिवस धुमधामका साथ मनाइने

आइतबार, मंसिर १४, २०८२ बागेश्वरी पोस्ट

नेपालगञ्ज । अन्तर्राष्ट्रिय मानव अधिकार दिवस र मानव अधिकार रक्षक दिवस नेपालगञ्जमा धुमधामका साथ मनाइने भएको छ । हरेक बर्ष झै यस बर्ष पनि धुमधामका साथ दुवै दिवस मनाउने गरी तयारी थालिएको छ । यसैक्रममा आज राष्ट्रिय मानव अधिकार आयोग नेपालगञ्ज कार्यालयको संयोजनमा मानव अधिकार सञ्जालको बैठक बसेर दिवस मनाउने सन्दर्भमा विभिन्न निर्णय गरिएको छ ।

राष्ट्रिय मानव अधिकार आयोग नेपालगञ्ज कार्यालय प्रमुख द्वारिका अधिकारीको अध्यक्षतामा सम्पन्न बैठकले डिसेम्बर ९ मा मानव अधिकार रक्षक दिवसको अवसरमा नेपालगञ्जमा धम्बोझी चोकदेखि वीपी चोकसम्म प्रभातफेरि आयोजना गर्ने र त्यस लगत्तै समापन कार्यक्रम आयोजना गर्ने निर्णय गरेको छ । जुन कार्यक्रमको संयोजन उच्च अदालत नेपालगञ्ज बार एसोसिएसनले गर्ने भएको छ ।

यसैगरी मानव अधिकार दिवसको अवसरमा आयोगको नेपालगञ्ज कार्यालयले डिसेम्बर १० मा एक कार्यक्रम गर्ने भएको छ ।बैठकले अहिले चलिरहेको लैंगिक हिंसा विरुद्धको १६ दिने अभियानलाई पनि प्रभावकारी बनाउने गरी योगदान गर्ने निर्णय गरेको छ । संसारभर डिसेम्बर ९ मा मानव अधिकार रक्षक दिवस तथा डिसेम्बर १० तारिखमा मानव अधिकार दिवस मनाइन्छ । यस्तै नोभम्बर २५ देखि डिसेम्बर १० सम्म हरेक बर्ष लैंगिक हिंसा विरुद्धको १६ दिन अभियान सञ्चालन गरिन्छ ।

प्रकाशित मिति: आइतबार, मंसिर १४, २०८२ १८:१२

प्रतिक्रिया दिनुहोस्