नेपालगञ्जमा पाँच दिवसीय 'मेडिटेशन' शिविर सुरु

समाचार

गृहपृष्ठ
समाचार
नेपालगञ्जमा पाँच दिवसीय 'मेडिटेशन' शिविर सुरु

नेपालगञ्जमा पाँच दिवसीय 'मेडिटेशन' शिविर सुरु

सोमबार, मंसिर २२, २०८२ बागेश्वरी पोस्ट

नेपालगञ्ज । नेपालगञ्जमा आजदेखि पाँच दिवसीय मेडिटेशन शिविर सुरु भएको छ । ब्रह्माकुमारी ईश्वरीय विश्वविद्यालय एवम् रोजयोग प्रशिक्षण केन्द्र नेपालगञ्जको आयोजनामा मानसिक शान्ति एवम् खुसीयाली जीवनका लागि रोजयोग मेडिटेशन शिविर सुरु भएको हो । बरिष्ठ रोजयोग प्रशिक्षक ब्रह्माकुमार राजु घले मुख्य प्रशिक्षकका रुपमा रहेका छन् ।

मंसिर २६ गतेसम्म चल्ने मेडिटेशन शिविर दैनिक २ सिफ्टमा सञ्चालन गरिएको छ । पहिलो सिफ्ट मध्यान्ह साढे १२ बजेदेखि दिउँसो २.३० बजेसम्म तथा दोस्रो सिफ्ट साँझ ४.३० देखि ६.३० बजेसम्म सञ्चालन गरिएको ब्रह्माकुमार कृष्णले जानकारी दिए । मानिसहरुमा खुसी, शान्ति र सन्तुष्टि प्रबद्र्धन गर्न प्रेरित गर्ने उद्देश्यले मेडिटेशन शिविर आयोजना गरिएको ब्रह्माकुमारी ईश्वरीय विश्वविद्यालय एवम् राजयोग प्रशिक्षण केन्द्र प्रमुख ब्रह्मकुमारी दुर्गा दिदीले बताइन् ।

पहिलो सत्रको उद्घाटन लुम्बिनी प्रदेश सांसद कृष्णा केसी नमुनाले गरेकी थिइन् भने दोस्रो सत्रको उद्घाटन उच्च अदालत तुलसीपुर नेपालगञ्ज इजलाशका बरिष्ठतम् न्यायाधीश बामदेव ज्ञवालीले गरेका थिए । कार्यक्रमको सहजीकरण ब्रह्माकुमारी ईश्वरीय विश्वविद्यालय एवम् राजयोग प्रशिक्षण केन्द्र नेपालगञ्जकी उपप्रमुख ब्रह्माकुमारी मुनाले गरेकी थिइन् ।

प्रकाशित मिति: सोमबार, मंसिर २२, २०८२ २१:१२

प्रतिक्रिया दिनुहोस्