पूर्व प्रहरी संगठन बाँकेको नवनिर्मित भवन उद्घाटन

समाचार

गृहपृष्ठ
समाचार
पूर्व प्रहरी संगठन बाँकेको नवनिर्मित भवन उद्घाटन

पूर्व प्रहरी संगठन बाँकेको नवनिर्मित भवन उद्घाटन

शुक्रबार, मंसिर २६, २०८२ बागेश्वरी पोस्ट

नेपालगञ्ज । नेपाल पूर्व प्रहरी संगठन बाँकेको नवनिर्मित भवनको उद्घाटन गरिएको छ । शुक्रबार एक समारोहका बीच कार्यक्रमका प्रमुख अतिथि नेपाल प्रहरीका अवकाश प्राप्त प्रहरी अतिरिक्त महानिरीक्षक एवम् संगठनका कार्यबहाक अध्यक्ष विनोद सिंहले शिलालेख अनाबरण गरेर नवनिर्मित भवनको उद्घाटन गरे । नेपालगञ्ज उपमहानगरपालिका वडा नम्बर १ खजुरा रोडस्थित गायत्री मन्दिर चोकमा नवनिर्मित दुई तले भवनको उद्घाटन गरिएको हो ।

कार्यक्रममा बोल्दै प्रमुख अतिथि सिंहले भवन निर्माण गर्न सफल भएकोमा नेपाल पूर्व प्रहरी संगठन बाँकेलाई बधाई ज्ञापन गरे । उनले अवकाश प्राप्त प्रहरीहरुलाई एकै थलोमा ल्याएर सामाजिक अभियानमा सक्रिय बनाउने उद्देश्यले संगठन क्रियाशील रहेको बताए । ७५ लाख लागतमा निर्मित भवन उद्घाटन कार्यक्रम संगठनका अध्यक्ष अवकाश प्राप्त प्रहरी निरीक्षक गंगा बहादुर अधिकारीको अध्यक्षतामा सम्पन्न भएको थियो । भवन निर्माण सम्बन्धि प्रतिवेदन निर्माण समितिका अध्यक्ष एवम् संगठनका सचिव ढाकाराम खत्रीले प्रस्तुत गरेका थिए ।

कार्यक्रममा बाँकेका प्रमुख जिल्ला अधिकारी दिल कुमार तामाङ, जिल्ला प्रहरी कार्यालय बाँकेका प्रमुख प्रहरी उपरीक्षक अंगुर जिसी, नेपाल पत्रकार महासंघ बाँकेका अध्यक्ष नवीन गिरी लगायतले पनि शुभकामना मन्तब्य ब्यक्त गरेका थिए । संगठनका उपाध्यक्ष शशिधर अधिकारीले स्वागत मन्तब्य ब्यक्त गरेका थिए । कार्यक्रमको सञ्चालन प्रबक्ता अरुण सिंहले गरेका थिए । त्यस अवसरमा भवन निर्माण गर्न सहयोग गर्ने करीब ७० जना तथा भवन निर्माण समितिका पदाधिकारी लगायतलाई सम्मान समेत गरिएको थियो । कार्यक्रममा लुम्बिनी प्रदेश प्रहरी गण खजुराका प्रमुख प्रहरी उपरीक्षक ठाकुर प्रसाद पोखरेल लगायतको उपस्थिति थियो ।

प्रकाशित मिति: शुक्रबार, मंसिर २६, २०८२ १९:५७

प्रतिक्रिया दिनुहोस्