नेपालगन्ज नाकाबाट जोखिमपूर्ण यात्रामा रहेका ५४५ जनाको उद्दार

समाचार

गृहपृष्ठ
समाचार
नेपालगन्ज नाकाबाट जोखिमपूर्ण यात्रामा रहेका ५४५ जनाको उद्दार

नेपालगन्ज नाकाबाट जोखिमपूर्ण यात्रामा रहेका ५४५ जनाको उद्दार

बुधबार, पुस १६, २०८२ बागेश्वरी पोस्ट

नेपालगन्ज । माइती नेपाल नेपालगन्जले नेपालगन्ज नाकाबाट जोखिमपूर्ण यात्रामा रहेका ५४५ जनाको उद्दार गरेको छ । ती मध्ये ८७ जना बाँकेका छन् । नेपालगन्जमा आज आफ्नो वार्षिक प्रतिवेदन सार्बजनिक गर्दै माइती नेपाल नेपालगन्जका प्रमुख केशव कोइरालाले सन् २०२५ मा भारतका विभिन्न शहरमा श्रम र यौन शोषणमा परेका १४ जना महिला तथा बालबालिकाको उद्दार गरिएको जानकारी दिए ।

कोइरालाका अनुसार खोजतलासका लागि ९ सय २० जनाको निवेदन परेकोमा ५ सय ९३ जना फेला परेका छन् । माइती नेपालले सीमाबाट उद्धार, पारिवारिक पुनर्मिलन, खोजतलास, लैङ्गिक तथा घरेलु हिंसा, मुद्दा दर्ता र समाधानका क्षेत्रमा काम गरिरहेको छ ।

माइती नेपालले आगामी दिनमा पनि सीमा क्षेत्रमा हुने मानव बेचबिखन नियन्त्रण, हिंसामा परेका महिला तथा बालबालिकाको संरक्षण, कानुनी सहयोग र सामाजिक पुनर्स्थापनाका कार्यक्रमलाई थप प्रभावकारी बनाउँदै लैजाने प्रतिबद्धता जनाएको छ ।

कार्यक्रममा बोल्दै महासंघ बाँकेका अध्यक्ष नवीन गिरीले मानव बेचविखन तथा ओसारपसार नियन्त्रण तथा न्यूनीकरणका लागि 'रि-एक्टिभ' भन्दा पनि 'प्रो-एक्टिभ' बन्नुपर्नेमा जोड दिए । मानव बेचविखन तथा ओसारपसारलाई सामाजिक कलंकको उपमा दिँदै गिरीले मिडियाले सचेतना प्रवर्द्धन र नीतिगत व्यवस्था तथा सुधारका लागि गहन ढंगले रिपोर्टिङ गर्नुपर्ने आवश्यकता औंल्याए ।

प्रकाशित मिति: बुधबार, पुस १६, २०८२ १७:४२

प्रतिक्रिया दिनुहोस्