नेपालगञ्जमा छायाँ प्रतिवेदन तयारी कार्यशाला

समाचार

गृहपृष्ठ
समाचार
नेपालगञ्जमा छायाँ प्रतिवेदन तयारी कार्यशाला

नेपालगञ्जमा छायाँ प्रतिवेदन तयारी कार्यशाला

मंगलबार, पुस २२, २०८२ बागेश्वरी पोस्ट

नेपालगञ्ज । नेपालगञ्जमा प्रदेश स्तरीय आर्थिक, सामाजिक तथा सांस्कृतिक अधिकार सम्बन्धि अन्तर्राष्ट्रिय महासन्धि छायाँ प्रतिवेदन तयारी कार्यशाला गरिएको छ । अनौपचारिक क्षेत्र सेवा केन्द्र (इन्सके) लुम्बिनी प्रदेश कार्यालय नेपालगञ्जको आयोजनामा आज छायाँ प्रतिवेदन तयारी कार्यशाला सम्पन्न गरिएको हो ।

आर्थिक, सामाजिक तथा सांस्कृतिक अधिकार सम्बन्धि महासन्धिको चौथो आवधिक प्रतिवेदन उपर सन् २०२६ को सेप्टेम्बेर महिनामा हुने समिक्षाको लागि गैरसरकारी संस्था (गैसस) हरुले सन् २०२६ को जुनसम्ममा प्रतिवेदन बुझाउनुपर्नेछ । मानव अधिकार सन्धि अनुगमन समन्वय केन्द्र (एचआरटिएमसिसी) को सचिवालय इन्सेकले चौथो समिक्षाको लागि प्रदेश स्तरीय कार्यशालाहरुबाट प्राप्त सुझाबहरु समावेश गरी मूल प्रतिवेदन तयार गर्नेछ । यसै सन्दर्भमा गैससको प्रतिवेदनमा समावेश गरिनुपर्ने विषय केन्द्रित प्रदेश स्तरीय कार्यशाला नेपालगञ्जमा आयोजना गरिएको हो ।

इन्सकेकी सम्झा श्रेष्ठ र अधिवक्ता डा. विद्या चापागाईंले प्रस्तुतिकरण गर्दै सुझाब र पृष्ठपोषणका लागि आग्रह गरेका थिए । सहभागीहरुले विभिन्न सुझाब र पृष्ठपोषण प्रदान गरेका थिए । कार्यक्रमको सहजीकरण इन्सेक लुम्बिनी प्रदेश संयोजक भोला महतले गरेका थिए । कार्यक्रमको अध्यक्षता इन्सेकका केन्द्रिय सदस्य अधिवक्ता विकास आचार्यले गरेका थिए ।

प्रकाशित मिति: मंगलबार, पुस २२, २०८२ २१:०६

प्रतिक्रिया दिनुहोस्