डुडुवाको १९औँ गाउँसभाः बजेट तथा कार्यक्रम संशोधन

स्थानीय

गृहपृष्ठ
स्थानीय
डुडुवाको १९औँ गाउँसभाः बजेट तथा कार्यक्रम संशोधन

डुडुवाको १९औँ गाउँसभाः बजेट तथा कार्यक्रम संशोधन

शुक्रबार, पुस २५, २०८२ बागेश्वरी पोस्ट

डुडुवा (बाँके । डुडुवा गाउँपालिकाको १९औँ गाउँसभा बसेको छ । आज बसेको गाउँसभाले अर्धबार्षिक प्रगति समिक्षा र बजेट तथा कार्यक्रम संशोधन गरेको छ । सभामा अध्यक्ष नरेन्द्रकुमार चौधरीले अर्धवार्षिक प्रगति र चालू आर्थिक वर्षको संशोधन बजेट तथा कार्यक्रम प्रस्तुत गरेका थिए । अध्यक्ष चौधरीले डुडुवामा निमार्णधीन स्टेचु अफ शिव, पिकनिक स्पट, होमस्टे सञ्चालन, सांस्कृतिक प्रबद्र्धन र ज्येष्ठ नागरिकलाई न्यानो सामग्री वितरण लगायतका कार्यक्रमको करिब रु. तीन करोड बढीको बजेट थप गरी संशोधन गरेको प्रस्तुत गरे ।

नीति कार्यक्रम प्रस्तुत गर्दै अध्यक्ष चौधरीले शिक्षा, स्वास्थ्य, कृषि, पशु, स्वरोजगार, विपत, वन तथा वातावरण, लघु उद्यम विकास कार्यक्रम, विकास निर्माण संस्थागत विकास क्षेत्रबाट उपलब्ध प्रगतिबारे जानकारी गराएका थिए । उनले पालिकाले बेतहनी स्वास्थ्य चौकीमा स्थापना गरेको आधारभूत अस्पताल र हिरिमिनियामा निमार्णाधीन कोल्ड स्टोरको यही माघदेखि सञ्चालन गर्ने भन्दै डुडुवाका नागरिकलाई सहज र सुलभ सेवा उपलब्ध गराउनेतर्फ विशेष ध्यान दिएको बताए । उनले डुडुवाले देशकै नमुनाको रुपमा काम गर्दै आएको दाबी गर्दै विगतका बर्षदेखि डुडुवा लिजा र स्वास्थ्य क्षेत्र लगायत मूल्याकंनमा प्रथम स्थान हासिल गरेको बताए । उनले केही विपक्ष समूहले विभिन्न बहानामा बदनाम मात्र गर्ने गरेकाले त्यस्ता भ्रामक प्रचारतर्फ नलाग्न सबैलाई आग्रह गरे ।

गाउँसभा सचिव तथा प्रमुख प्रशासकीय अधिकृत अशोक कुमार पाण्डेयले सञ्चालन गरेको सभामा गाउँपालिका उपाध्यक्ष शाहिदा बानो, वडाध्यक्षहरु पटेश्वरी कुर्मी, दुर्गाप्रसाद बर्मा, आमोद तिवारी, सगिर खाँ, वडा सदस्य, कार्यपालिका सदस्य लगायतको सहभागिता रहेको थियो ।

प्रकाशित मिति: शुक्रबार, पुस २५, २०८२ १८:०८

प्रतिक्रिया दिनुहोस्