नेपालगञ्ज उपमहानगरपालिकाको 'व्यवसाय निरन्तरता योजना' अद्यावधिक गर्न अन्तरक्रिया

समाचार

गृहपृष्ठ
समाचार
नेपालगञ्ज उपमहानगरपालिकाको 'व्यवसाय निरन्तरता योजना' अद्यावधिक गर्न अन्तरक्रिया

नेपालगञ्ज उपमहानगरपालिकाको 'व्यवसाय निरन्तरता योजना' अद्यावधिक गर्न अन्तरक्रिया

सोमबार, पुस २८, २०८२ बागेश्वरी पोस्ट

नेपालगञ्ज । नेपालगञ्ज उपमहानगरपालिकाको व्यवसाय निरन्तरता योजनालाई अद्यावधिक गर्न अन्तरक्रिया गरिएको छ । नेपालगञ्ज उपमहानगरापालिकाको व्यवसाय निरन्तरता योजना २०८० लाई अद्यावधिक गर्न सहरी विपद तथा भूकम्पीय पूर्व तयारी परियोजना (सुपर कार्यक्रम) को सहयोगमा अन्तरक्रिया गरिएको हो । नेपालगञ्ज उपमहानगरपालिका नगर कार्यपालिकाको निर्णयबाट स्वीकृत भई व्यवसाय निरन्तरता योजना लागू भएको छ । व्यवसायिक निरन्तरता योजनाको मुख्य उद्देश्य विपदको समय वा अन्य अवरोधहरुमा प्रशासनलाई उत्थानशील बनाई नगरपालिकाले प्रवाह गर्नुपर्ने अत्याबश्यक न्यूनतम् सेवाहरुको पहिचान गरी त्यसको निरन्तरताको लागि रणनैतिक गतिविधि कार्यान्वयन सहितको योजना तयार पार्नु हो ।

May be an image of studying and text

आपतकालीन कार्यसञ्चालन केन्द्रका सूचना ब्यवस्थापन अधिकृत रुपन ज्ञवालीका अनुसार विपदको समयमा पनि अत्यावश्यक न्यूनतम् सेवाहरु सुचारु गर्न लागू भएको व्यवसाय निरन्तरता योजनालाई समय सान्दर्भिक र अझ व्यवहारिक बनाउन छलफल गरिएको हो । छलफलबाट प्राप्त पृष्ठपोषणका आधारमा योजनालाई परिस्कृत गरिने उनको भनाई छ । विपद् समिति संयोजक समिर प्रताप सिंहको अध्यक्षतामा सम्पन्न छलफलमा विपद विज्ञ डा. सिर्जन मल्लले सहजीकरण गरेका थिए । युनिसेफ भैरहवा कार्यालयका प्रमुख रिद्दि शर्माले व्यवसायिक निरन्तरता योजनाको महत्व निकै भएको बताउँदै उपमहानगरपालिकाले विपद् व्यवस्थापनमा गरिरहेको नविनतम् कार्यको प्रशंसा समेत गरिन् ।

युरोपियन युनियनको आर्थिक सहयोग तथा युएनडिपी, युनिसेफ, युएन ओमन र एचआईको साझेदारी एवम् सिडिएम नेपालको प्राविधिक सहयोगमा नेपालगञ्ज उपमहानगरपालिकामा सञ्चालित सुपर कार्यक्रमले विपद पूर्व तयारी र प्रतिकार्यका लागि काम गरिरहेको छ । सुपर कार्यक्रमले आवश्यक पृष्ठपोषण र प्राविधिक सहयोगसँगै समन्वय, सहकार्य र सहजीकरणमा टेवा पुगिरहेको छ ।

प्रकाशित मिति: सोमबार, पुस २८, २०८२ २०:०८

प्रतिक्रिया दिनुहोस्