नेपालगञ्जमा 'टुर डे ठाकुरद्वारा' को सचिवालय स्थापना

समाचार

गृहपृष्ठ
समाचार
नेपालगञ्जमा 'टुर डे ठाकुरद्वारा' को सचिवालय स्थापना

नेपालगञ्जमा 'टुर डे ठाकुरद्वारा' को सचिवालय स्थापना

आइतबार, माघ ४, २०८२ बागेश्वरी पोस्ट

नेपालगञ्ज । नेपालगञ्जमा 'टुर डे ठाकुरद्वारा' (चलि ठाकुरद्वारा) को सचिवालय स्थापना गरिएको छ । नेपालगञ्ज वीपी चोक नजिक स्थापना गरिएको सचिवालयको आज नेपालगञ्ज उपमहानगरपालिकाका प्रमुख प्रशान्त विष्टले उद्घाटन गरे ।

मेयर विष्टले नेपालगञ्जलाई वातावरणमैत्री नगर बनाउन साइक्लिङ्ग अभियान महत्त्वपूर्ण रहने बताए । खेलकुदको विकास भएपछि मात्र समाज र राष्ट्र स्वस्थ रहने उनले बताए ।

आयोजक नेपालगञ्ज साइक्लिङ्ग क्लबका अध्यक्ष कविराम बुढाथोकीको अध्यक्षतामा सम्पन्न भएको कार्यक्रममा 'टुर डे ठाकुरद्वारा' का संयोजक प्रदिप सापकोटाले कार्यक्रमको उद्देश्य र महत्त्वमाथि प्रकाश पारेका थिए ।

कार्यक्रममा नेपाल र तेस्रो मुलुकबाट करीब तीन सय जना साइक्लिष्टहरूको सहभागिता रहने उनले जानकारी दिए । उक्त कार्यक्रमको सञ्चालन क्लबका सचिव बिजयेन्द्र जिसीले गरेका थिए ।

आगामी फागुन ७ देखि ९ गतेसम्म 'टुर डे ठाकुरद्वारा' हुँदैछ । नेपालगञ्ज साइक्लिङ्ग क्लबले प्रत्येक बर्ष यो इभेन्ट आयोजना गर्दै आएको छ ।

प्रकाशित मिति: आइतबार, माघ ४, २०८२ २०:०५

प्रतिक्रिया दिनुहोस्