सिजपको लुम्बिनी प्रदेश समिति गठन, अध्यक्ष डम्बर र सचिब हेमराज

समाचार

गृहपृष्ठ
समाचार
सिजपको लुम्बिनी प्रदेश समिति गठन, अध्यक्ष डम्बर र सचिब हेमराज

सिजपको लुम्बिनी प्रदेश समिति गठन, अध्यक्ष डम्बर र सचिब हेमराज

बुधबार, माघ १४, २०८२ बागेश्वरी पोस्ट

नेपालगञ्ज । बालबालिकाको क्षेत्रमा क्रियाशील संस्था बालबालिका शान्ति क्षेत्र राष्ट्रिय अभियान (सिजप) को लुम्बिनी प्रदेश स्तरीय समिति गठन भएको छ । सिजपको प्रदेश स्तरीय सदस्य संस्थाहरुको आज भएको भेलाले बिग्रुपका कार्यकारी निर्देशक डम्बर सुनारको अध्यक्षतामा ७ सदस्यीय प्रदेश समिति चयन गरेको छ । यसरी चयन भएको प्रदेश समितिको सचिबमा बास नेपालका निर्देशक हेमराज भट्ट चयन भएका छन् । यसैगरी समितिको सदस्यहरुमा क्रमशः कमला सापकोटा, विकिरण गौतम, दिपसरा पुन र चिरन्जीवी ज्ञवाली चयन भएका छन् । समितिको एक जना सदस्य भने नवनिर्वाचित प्रदेश समितिको पहिलो बैठकले मनोनित गर्ने गरी रिक्त राखिएको छ ।

सिजपका महासचिब राजु घिमिरेको अध्यक्षतामा भएको प्रविधि भेलामा उपस्थित सहभागीहरुलाई स्वागत तथा कार्यक्रमको उद्देश्यमाथि प्रकाश सिजप लुम्बिनी प्रदेश इन्चार्ज शिवलाल पाण्डेले गरेका थिए । भेलामा सिजपले गरिरहेको कार्य तथा प्रदेश समिति गठन तथा ब्यवस्थापन कार्यविधिका बिषयमा महासचिब घिमिरेले प्रस्तुतिकरण गरेका थिए । समितिको कार्यकाल दुई बर्षको रहनेछ । बालवालिका शान्ति क्षेत्र अभियान (सिजप) ले बालमैत्री, पोषणमैत्री, बाल संवेदनशील सामाजिक सुरक्षा, बाल अधिकारको संरक्षण र सम्बद्र्धनको लागि निरन्तर देशब्यापी अभियान सञ्चालन गर्दै आएको छ ।

प्रकाशित मिति: बुधबार, माघ १४, २०८२ २१:३६

प्रतिक्रिया दिनुहोस्