सबै वडामा सञ्जाल विस्तार गर्दै एमाले, उम्मेदवार राई मतदाता भेटघाटमा

राजनीति

गृहपृष्ठ
राजनीति
सबै वडामा सञ्जाल विस्तार गर्दै एमाले, उम्मेदवार राई मतदाता भेटघाटमा

सबै वडामा सञ्जाल विस्तार गर्दै एमाले, उम्मेदवार राई मतदाता भेटघाटमा

आइतबार, माघ १८, २०८२ बागेश्वरी पोस्ट

नेपालगञ्ज । प्रतिनिधिसभा सदस्य उम्मेदवार मोहम्मद इश्तियाक राईको प्रचारप्रसार गर्ने उद्देश्यका साथ निर्वाचन क्षेत्रभरि सञ्जाल विस्तार भइरहेको छ । निर्वाचन क्षेत्र नम्बर २ का सबै वडामा नेकपा वडा कार्यालयमार्फत प्रचारप्रसारको सञ्जाल विस्तार गरिँदैछ । यस्ता वडा कार्यालयहरू २७ वटै वडामा खोलिसकिएकोमा आज विहान वडा नम्बर २ को औपचारिक उद्घाटन गरिएको हो ।

बाँके निर्वाचन क्षेत्र नम्बर २ मा नेकपा एमालेका उम्मेदवार रहेका राईको प्रचारप्रसारलाई निर्वाचन क्षेत्रभर विस्तार गर्न वडास्तरीय सञ्जालहरू प्रभावकारी हुने नेकपा एमाले बाँकेको विश्वास छ । वडा नम्बर २ स्थित कार्यालयको उद्घाटनपछि संक्षिप्त भनाई राख्दै एमालेबाट प्रतिनिधिसभा उम्मेदवार राईले फागुन २१ को निर्वाचनको फरक महत्व रहेको बताए । उनले भने, ‘यो निर्वाचन देशमा विकास निर्माण चाहने पक्ष र अदृश्य शक्तिहरूको उक्साहटमा देशलाई क्षति पुर्‍याउनेहरू बीचको लडाइँ हो ।’

यसैबीच उम्मेदवार राईले आज वडा नम्बर २ घरबारी टोल र वडा नम्बर ३ एकलैनी क्षेत्रमा पुगेर मतदातालाई भेटेका छन् । उनले ती क्षेत्रका मतदाताहरूसँग भेटेर प्रत्यक्ष र समानुपातिक दुवैतर्फ नेकपा एमालेलाई मतदान गर्न आग्रह गरेका छन् । मतदातासँगको भेटघाटका क्रममा राईसँगै एमालेबाट समानुपातिकतर्फका उम्मेदवार विजया धिताल, एमाले नेता कृष्ण प्रसाद श्रेष्ठ लगायत थिए ।

प्रकाशित मिति: आइतबार, माघ १८, २०८२ १९:४३

प्रतिक्रिया दिनुहोस्