विद्यार्थी बोकेको बस ट्याक्टरसँग ठोक्किएर दुर्घटना, दर्जन विद्यार्थी घाइते

समाचार

गृहपृष्ठ
समाचार
विद्यार्थी बोकेको बस ट्याक्टरसँग ठोक्किएर दुर्घटना, दर्जन विद्यार्थी घाइते

विद्यार्थी बोकेको बस ट्याक्टरसँग ठोक्किएर दुर्घटना, दर्जन विद्यार्थी घाइते

मंगलबार, माघ २०, २०८२ बागेश्वरी पोस्ट

लुम्बिनी । विद्यार्थी बोकेको बस दुर्घटना हुँदा एक दर्जन विद्यार्थी घाइते भएका छन् । जिल्ला प्रहरी कार्यालय रुपन्देहीका अनुसार रुपन्देहीको ओमसतिया–४ बसन्तपुरमा लु १ ख ८६७५ नम्बरको बस आज बिहान दुर्घटना हुँदा एक दर्जन विद्यार्थी घाइते भएका हुन् ।

आज बिहान परासीबाट विद्यार्थी लिएर फर्किंदै गरेको बस बसन्तपुर टोल गेट नजिकै ट्याक्टरसँग ठोक्किँदा दुर्घटना भएको प्रहरीले जानकारी दिएको छ । बिहान साढे पाँच बजे भएको दुर्घटनामा घाइतेमध्ये केही विद्यार्थीको अवस्था गम्भीर रहेको रुपन्देही प्रहरीले जनाएको छ ।

रुपन्देही प्रहरीले दिएको जानकारी अनुसार दुर्घटनामा घाइते भएका विद्यार्थीहरूलाई उपचारका लागि भैरहवा मेडिकल कलेजमा भर्ना गरिएको छ ।

प्रहरीले दुर्घटनाबारे थप अनुसन्धान सुरु गरेको जनाएको छ ।

प्रकाशित मिति: मंगलबार, माघ २०, २०८२ ०८:२३

प्रतिक्रिया दिनुहोस्