पब्लिक स्पीच बाँके सिजन ४ को उपाधि आशिकालाई

समाचार

गृहपृष्ठ
समाचार
पब्लिक स्पीच बाँके सिजन ४ को उपाधि आशिकालाई

पब्लिक स्पीच बाँके सिजन ४ को उपाधि आशिकालाई

बुधबार, माघ २८, २०८२ बागेश्वरी पोस्ट

नेपालगञ्ज । पब्लिक स्पीच बाँके सिजन ४ को उपाधि लक्ष्मी माबि कोहलपुरकी आशिका केसीले हासिल गरेकी छिन् ।बास नेपालको आयोजनामा आयोजित सिजन ४ को फाइनल राउण्डमा छनौट भएका १० जना प्रतियोगीहरुमध्ये आशिका प्रथम हुन सफल भएकी छिन् । प्रतियोगितामा प्रथम स्थान हासिल गरेसँगै आशिकाले नगद रु. २५ हजार, ट्रफी र प्रमाणपत्र हासिल गरेकी छिन् । यसैगरी प्रतियोगिताको द्वितीय र तृतीय स्थान क्रमशः कृष्ण माबि कोहलपुरकी शृष्टि बुढा मगर र ज्ञानोदय नमुना माबि खजुकाकी मनिषा उपाध्यायले हासिल गरेकी छिन् । द्वितीय र तृतीय हुन सफल प्रतियोगीले क्रमशः १५ हजार नगद, ट्रफी र प्रमाणपत्र तथा १० हजार नगद, ट्रफी र प्रमाणपत्र हासिल गरेका छन् ।

यसैगरी प्रतियोगिताका १० जना प्रतियोगीहरुमध्ये भोटिंगको आधारमा ज्ञानोदय नमुना माबि खजुकाकी मनिषाले पब्लिक च्वाइस अवार्ड हासिल गरेकी छिन् । मनिषाले पब्लिक च्वाइस अवार्ड वापत नगद २५ हजार, ट्रफी र प्रमाणपत्र हासिल गरेकी छिन् । प्रतियोगितामा उत्कृष्ट हुन सफल प्रतियोगीहरुलाई पुरस्कार वितरण कार्यक्रमका प्रमुख अतिथि राष्ट्रिय सूचना आयोगका पूर्व प्रमुख सूचना आयुक्त कृष्णहरि बास्कोटा, कार्यक्रमका बिशिष्ट अतिथि केएल दुगड ग्रुप नेपालगञ्ज प्रमुख प्रदिप छाछेड, निर्णायक बास नेपालका संस्थापक सल्लाहकार रुद्र तिमिल्सिना, सामाजसेवी शशी सिंह, बास नेपालका केन्द्रीय अध्यक्ष शिव कुमार वर्मा लगायत पदाधिकारीहरुले वितरण गरेका थिए ।

बिद्यार्थी, युवाहरुको बक्तृत्वकला क्षमता अभिबृद्धि गर्ने, वाक क्षमता, भाषणकला क्षमता प्रष्फुटन गर्न उत्प्रेरित गर्ने र सार्वजनिक भाषण कलाका च्याम्पियनहरुलाई प्रोत्साहित गर्ने उद्देश्यले पब्लिक स्पीचको आयोजना गरिँदै आएको छ ।कार्यक्रमका प्रमुख अतिथि तथा राष्ट्रिय सूचना आयोगका पूर्व प्रमुख सुचना आयुक्त बास्कोटाले गमलामा पानी हालेर कार्यक्रमको उद्धघाटन गरेका थिए । बास नेपालका केन्द्रीय अध्यक्ष बर्माको अध्यक्षतामा भएको प्रतियोगितामा स्वागत तथा कार्यक्रमको उद्देश्यमाथि बास नेपालका कार्यकारी निर्देशक नमस्कार शाहले गरेका थिए । बास नेपालका निर्देशक हेमराज भट्टले सञ्चालन गरेको कार्यक्रममा पब्लिक च्पाइस अवार्डको घोषणा बास नेपालका कार्यक्रम अधिकृत रबिन्द्र बोहराले गरेका थिए ।

प्रकाशित मिति: बुधबार, माघ २८, २०८२ २०:४७

प्रतिक्रिया दिनुहोस्