युवा उम्मेदवार कोइरालालाई ब्रम्हाकुमारी दुर्गा दिदीको आशिर्वाद

राजनीति

गृहपृष्ठ
राजनीति
युवा उम्मेदवार कोइरालालाई ब्रम्हाकुमारी दुर्गा दिदीको आशिर्वाद

युवा उम्मेदवार कोइरालालाई ब्रम्हाकुमारी दुर्गा दिदीको आशिर्वाद

आइतबार, फागुन ३, २०८२ बागेश्वरी पोस्ट

नेपालगन्ज । बाँके, क्षेत्र नम्बर २ मा नेपाली कांग्रेसका युवा उम्मेदवार शुधान्सु कोइरालालाई ब्रम्हाकुमारी इश्वरीय विश्वविद्यालय नेपालगन्जले स्वागत तथा सम्मान गरेको छ । महाशिवरात्री पर्वको अवसरमा आइतबार बिहान आयोजित विशेष समारोहमा विश्वविद्यालयले कोइरालालाई सम्मान गरिएको हो ।

सो क्रममा ब्रम्हाकुमारी इश्वरीय विश्वविद्यालय नेपालगन्जकी प्रमुख दुर्गा दिदीले उम्मेदवार कोइरालालाई स्वागत तथा सम्मान गर्दै आशिर्वाद दिएकी थिइन् । ‘भोलेनाथ (भगवान शिव) ले तपाईंलाई आजको यो विशेष दिनमा शक्ति प्रदान गर्नु भएको छ, तपाईंलाई हाम्रो तर्फबाट पनि धेरै धेरै बधाई र आशिर्वाद छ ।’ उक्त कार्यक्रममा विश्वविद्यालय नेपालगन्जकी प्रमुख दुर्गा दिदीसहित बाँकेका सहायक प्रमुख जिल्ला अधिकारी पुर्ण खत्री, अन्तर धार्मिक सद्भाव मञ्चका संयोजक एवं बागेश्वरी मन्दिरका मुल महन्त चन्द्रनाथ योगी, नेपालगन्ज उद्योग वाणिज्य संघका अध्यक्ष टंक धामी लगायत विशिष्ट ब्यक्तिहरुको उपस्थिति रहेको थियो ।

यसैबीच युवा उम्मेदवार कोइरालाले आइतबार नै बागेश्वरी मन्दिर परिसरमा रहेको जंगुे महादेव मन्दिर र डुडुवा गाउँपालिका वडा नम्बर ५ पदमपुरमा रहेको शिव मन्दिरको पनि दर्शन गरेका छन् ।

प्रकाशित मिति: आइतबार, फागुन ३, २०८२ १५:११

प्रतिक्रिया दिनुहोस्